ملير: مسرور ٽائون ڀرسان گهر اندر فائرنگ، هڪ ڄڻو مارجي ويو

ملير (رپورٽ: عبدالرشيد مورجھريو) اسٽيل مل روڊ مسرور ٽائون ڀرسان هڪ گهر اندر فائرنگ جي واقعي ۾ هڪ ڄڻو فوت ٿي ويو. اطلاع ملندي ئي پوليس ۽ امدادي ٽيمون واقعي واري هنڌ پهچي ويون ۽ ضروري ڪارروائي بعد لاش کي قانوني گهرجون پوريون ڪرڻ لاءِ جناح اسپتال منتقل ڪيو ويو پوليس موجب فوتي جي سڃاڻپ 35 ورهين جي ديدار علي لاکو ولد الفت علي طور ٿي آهي. شروعاتي ڄاڻ موجب واقعو گهر اندر پيش آيو، جڏهن ته فائرنگ جا ڪارڻ ۽ واقعي جا اصل محرڪ فوري طور سامهون نه اچي سگهيا آهن قانون لاڳو ڪندڙ ادارن واقعي واري هنڌ تان ثبوت گڏ ڪري ورتا آهن، جڏهن ته واقعي جي مختلف رخن کان جاچ شروع ڪئي وئي آهي. پوليس جو چوڻ آهي ته واقعو ذاتي دشمني، گهريلو تڪرار يا ڪنهن ٻي سبب جي نتيجي ۾ پيش آيو ٿي سگهي ٿو، پر حتمي راءِ جاچ مڪمل ٿيڻ کانپوءِ ئي ڏئي سگهبي هي واقعو بن قاسم ٿاڻي جي حدن اندر پيش آيو. پوليس فوتي جي وارثن ۽ اکين ڏٺن شاهدن جا بيان پڻ قلمبند ڪرڻ شروع ڪري ڇڏيا آهن ته جيئن واقعي جا اصل سبب معلوم ڪري سگهجن پوليس موجب واقعي جي وڌيڪ جاچ جاري آهي ۽ جلد حقيقتون سامهون آنديون وينديون.