نوشهروفيروز واسين سان حادثو، ماءُ ۽ ڌيءَ سميت 3 ڄڻا فوت

نوشهروفيروز(ڊ ر) ضلع نوشهرو فيروز جي ڳوٺ دليپوٽا واسين سان گذريل ڏينهن پيش آيل خوف ناڪ خوني حادثي ۾ فوت ٿيلن جو انگ ٽي ٿي ويو آهي حيدرآباد کان پنهنجي ڳوٺ دليپوٽا ايندي قاضي احمد ويجهو آمري پل وٽ ڪار ۽ ويگو ۾ ٿيل آمهون سامهون خوف ناڪ خوني حادثي ۾ دليپوٽا واسي ڪار سوار سيد عنايت شاه ۽ سندس ڪٽنب سان پيش ايندڙ واقعي ۾ سندس گهر واري بيبي نرگس زهرا ۽ سندس معصوم نياڻي ڪونين زهرا موقعي تي فوت ٿي ويون جڏهن ته ڪار ڊرائيور صديق مستوئي ،سيد عنايت شاه برڪت علي، ظفر علي ،محمد علي ،غلام علي ،بادشا زادي سميت ست ڄڻا سخت زخمي ٿي پيا هئا جن مان ڪار ڊرائيو محمد صديق مستوئي زخمن جا سور نه سهندي نوابشاه جي نجي اسپتال ۾ فوت ٿي ويو فوتين جا لاش پنهنجي اباڻي ڳوٺ دليپوٽا ۽ مٺياڻي پهچڻ تي سندن گهرن ۾ ڪهرام مچي ويو جڏهن ته ڳوٺ ۾ سوڳ ڇانيل رهيو فوتي ماء ۽ ڌي جا لاش سوين آلين اکين سان دليپوٽا جي اباڻي قبرستان سيد مورل شاه ۾ مٽي ماء حوالي ڪيو ويو جڏهن ته ڪار ڊرائيور محمد صديق مستوئي جو لاش گهر پهچڻ تي سندس گهر ۾ ڪهرام متل گهر ڀاتين کي بيهوشي جا دورا پوڻ لڳا