نوشهروفيروز ۾ ڳوٺ قادر بخش ساند واسين جو احتجاج

نوشهروفيروز(ڊ ر)نوشهروفيروز ۾ ڳوٺ قادر بخش ساند جي رهواسي سومرا برادري جي ماڻهن جو ڦر ٿيل موٽر سائيڪل واپس نه ٿيڻ خلاف احتجاجي مظاهرو ڪيو ان موقعي تي ميڊيا اڳيان دانهيندي ظفر اقبال سومرو ۽ عبدالرزاق سومرو چيو ته چار مهينا اڳ نوشهروفيروز باءِ پاس تي اسان جي نوجوان حسنين کان موٽر سائيڪل ڦر ٿي آهي اسان ايس ايس پي سان ملاقات ڪري کيس دانهن ڏني جنهن چيو ته ايف آءِ آر داخل ڪرايو اها به داخل وئي پر هن مهل تائين موٽر سائيڪل واپس ناهي ٿي سگهي هنن چيو اسان گذريل چئن مهينن کان ايس ايس پي ، ڊي ايس پي ۽ ٿاڻي جا چڪر ڪاٽي رهيا آهيون پر ان جي باوجود ڦر ٿيل موٽر سائيڪل پوليس واپس ڪرائڻ ۾ ناڪام ٿي وئي آهي هنن آء جي سنڌ سميت ٻين وس وارن کي اپيل ڪئي ته ڦر ٿيل موٽر سائيڪل واپس ڪرائي انصاف ڪيو وڃي