جهرڪ ويجهو مالوندن جو بااثرن جي مبينا زيادتين خلاف احتجاج

ٺٽو(ڊر) جھرڪ لڳ ويران ٻيلي جي رھواسي مقامي مالوند ماڻھن پاران بااثر غير مقامي قبضاگير مافيا جي زيادتين توڙي سندن رستا ۽ مال جا چراھگاھ بند ڪري ڌنارن کي ملندڙ موتمار ڌمڪين خلاف ھڪ احتجاجي مظاھرو جھرڪ لڳ سانپا موري تي علي مراد چانگ ۽ ٻين جي اڳواڻي ۾ ڪندي چيو تہ ٻيلي کاتي جي سرڪاري زمينن جون ليزون ڪافي وقت کان بند ھجڻ باوجود غير مقامي ماڻھن ٻيلو ويران ۾ اچي ٻيلي کاتي جي سرڪاري زمينن تي غيرقانوني قبضا ڪري پنھنجا ھٿياربند ماڻھون ويھاري ڇڏيا آھن، جن مقامي ماڻھن جو جيئڻ جنجال بنائي انھن جا رستا توڙي مال جا چراھگاھ بند ڪري ڇڏيا آھن، جنھن ڪري سندن چوپايو مال بک وگھي مرڻ لڳو آھي، ھنن چيو تہ سڄي ويران ٻيلي تي قبضو ٿيڻ ڪري ڪوبہ عمارتي وڻ ناھي بچيو، سرڪاري زمينن تي غيرمقامي ماڻھن پاران ڪيل قبضن توڙي والار سميت مقامي ماڻھن سان ٿيندڙ ناانصافين جو بيلي کاتي جي عملدارن سميت ڪير بہ نوٽيس وٺڻ لاء تيار ناھي، جنھن ڪري نقصان جو خطرو ھر وقت موجود رھي ٿو، علي مراد چانگ انڪشاف ڪندي چيو تہ ٻيلي ويران م ھن وقت تائين 4 قتل ٿي چڪا آھن، اسانکي خدشو اھي تہ ڪٿي وڌيڪ مقامي ماڻھن جو نقصان نہ ڪيو وڃي، ھن ايس ايس پي ٺٽو، ڊي سي ٺٽو، ٻيلي کاتي جي اعليٰ عملدارن، چونڊيل نمائندن کان گھر ڪئي تہ فورن ٻيلو ويران ۾ ٻيلي کاتي جي سرڪاري زمينن تي قبضا مافيا پاران ٿيندڙ غيرقانوني قبضن، مقامي ماڻھن کي ملندڙ موتمار ڌمڪين توڙي سندن بند ٿيندڙ رستن توڙي چراھ گاھن جو نوٽيس وٺي مقامي ماڻھن کي تحفظ مھيا ڪري غيرمقامي ماڻھن جي مڪمل جانچ ڪرائي قبضي ھيٺ آيل سرڪاري زمين قبضا مافيا کان خالي ڪرائي زمينن تي ويٺل ھٿياربندن خلاف ڪاروائي ڪري کين ٻيلو ويران مان نيڪالي ڏياري مقامي ماڻھن سان انصاف ڪيو وڃي، جيئن ھو سک واري زندگي گذاري سگھن.