سجاول ۾ ايس ٽي پي پاران سماجي براين جي خاتمي لاءِ ۽ مهانگائي خلاف ريلي ڪڍي وئي

مامون لاڏو چوڪ کان مين پبلڪ پارڪ تائين ريلي ڪڍي ڌرڻو هنيو ويو، نعريبازي

سجاول (رپورٽر )سجاول ضلع ۾ صحت جي سھولتون نه ھجڻ , بند پيل اسڪول , منشيات , ھٿرادو مھنگائي ۽ ٻين سماجي براين خلاف سنڌ ترقي پسند پارٽي پاران احتجاجي ريلي ڪڍي ڌرڻو هنيو ويو احتجاجي ريلي مامون لاڏو چوڪ کان پبلڪ پارڪ تائين ڪڍي وئي ۽ پبلڪ پارڪ تي ڌرڻو ھنيو ويو ـ احتجاجي ريلي ۽ ڌرڻي جي قيادت جمن سنڌي , گل حسن رند , ممتاز لغاري ۽ ٻين مقامي اڳواڻن ڪئي ڌرڻي ۾ وڏي تعداد ۾ ڪارڪنن ۽ شھرين شرڪت ڪئي احتجاج ڪندي اڳواڻن جو چوڻ ھو ته منشيات سبب نوجوان نسل تباھ ٿي رھيو اسپتالن۾ صحت جون بنيادي سھولتون ميسر ناھن ضلع جي غريب عوام اسپتالن ۾ پريشان آهي صحت جون سھولتون فراھم ڪيون وڃن ـ احتجاجي مظاھرين جو چوڻ ھو ته ھٿرادو مھنگائي سبب غريب سخت پريشان آھي ضلع انتظاميا ۽ پرائس ڪنٽرول انتظاميا ھٿرادو مھنگائي تي ڪنٽرول ڪرڻ قدم کڻي ۽ عوام کي وڌيڪ پريشاني کان بچائي