سجاول ۾ پيرسن جو مرحوم پٽ جي سهري خلاف احتجاجي مظاهرو

سجاول (رپورٽر) سجاول شهر جي رهواسي پيرسن غلام حسين رند پريس ڪلب سجاول ۾ پريس ڪانفرنس ڪندي چيو آهي ته سندس مرحوم پٽ شاهده رند، جيڪو ٻه سال اڳ وفات ڪري ويو هو، جي ملڪيت تي غيرقانوني قبضي جي ڪوششون ڪيون پيون وڃن. هن الزام هنيو ته شاهده رند جي سُهري پاران مٿس مسلسل دٻاءُ وڌو پيو وڃي ته هو پلاٽ سندس نالي ڪري ڏئي، جڏهن ته مرحوم جا ٻار اڃا نابالغ آهن. هن وڌيڪ چيو ته شاهده رند پنهنجي حياتيءَ ۾ باقاعده لکت ۾ وصيت ڇڏي ويو هو، جنهن موجب سندس ملڪيت ٻارن جي بالغ ٿيڻ بعد انهن جي نالي منتقل ڪئي وڃي. پيرسن غلام حسين رند جو چوڻ هو ته سندس پٽ جو سُهرو پلاٽ وڪرو ڪرڻ جي ارادي سان اهو پنهنجي نالي ڪرائڻ چاهي ٿو ۽ ان مقصد لاءِ مٿس بي بنياد الزام پڻ لڳائي رهيو آهي. هن اختيارين کان مطالبو ڪيو ته معاملي جو سنجيدگي سان نوٽيس وٺي انصاف فراهم ڪيو وڃي ۽ ملوث شخص خلاف قانوني ڪارروائي ڪئي وڃي