عمرڪوٽ ڀرسان باھ متاثر خاندانن جي مالي سهائتا

ڳوٺ آسار ۽ هريار جي باهه متاثرن جي واهر ٿي وئي

عمرڪوٽ (رپورٽ:ڪانجي مل رکيسر) ڳوٺ آسار ۽ هريار ۾ تازو پيش آيل افسوسناڪ باھ واقعي کان متاثر خاندانن سان يڪجهتي ۽ سندن ڏکن ۾ شريڪ ٿيڻ لاءِ هڪ اهم ۽ باوقار تقريب منعقد ڪئي وئي، جنهن دوران پاڪستان پيپلزپارٽي جي اڳواڻ ڪنور ڪرني سنگھ سوڍا متاثر خاندانن ۾ مالي امداد جا چيڪ ورهايا، ان موقعي تي ٻڌايو ويو ته باھ واقعي جي فوراً بعد پاڪستان پيپلزپارٽي جي ايم پي اي سنڌ راڻا همير سنگھ سوڍا متاثر علائقن جو دورو ڪري متاثر خاندانن سان ملاقات ڪئي هئي ۽ کين هر ممڪن مالي ۽ اخلاقي سهڪار جي خاطري ڪرائي هئي، جنهن جي تسلسل ۾ اڄ هي امدادي تقريب منعقد ڪئي وئي، تقريب اقليتي معاملن واري کاتي، حڪومت سنڌ جي سهڪار سان منعقد ڪئي وئي، جنهن ۾ صوبائي وزير براءِ اقليتي معاملا شام سندر آڏواڻي جو خاص تعاون شامل رهيو، تقريب دوران متاثر خاندانن کي مالي امداد جا چيڪ فراهم ڪيا ويا ته جيئن هو پنهنجي زندگي ٻيهر معمول تي آڻي سگهن، ان موقعي تي کيئنراج سنگھ جاڙيجا، چيئرمين ڏيوراج سنگھ، اڳوڻو چيئرمين پرديپ اوجها، چيئرمين پنسنگھ ڀاٽي، پير ڏيسر سنگھ، چندن سنگھ سوڍو، ڀرت راساڻي، وائيس چيئرمين پهلاج ڀيل، نارائڻ سنگھ ڀاٽي، همير سنگھ ڏوهٽ، لالا لجپت درزي سميت ٻين معززين، سياسي سماجي شخصيتن ۽ ڳوٺاڻن وڏي انگ ۾ شرڪت ڪئي، تقريب جي آخر ۾ ڳوٺاڻن ۽ باھ متاثر خاندانن راڻا همير سنگھ سوڍا، ڪنور ڪرني سنگھ سوڍا ۽ سندن سموري ٽيم جو دل جي گهراين سان شڪريو ادا ڪندي چيو ته ڏک جي هن گهڙي ۾ سندن ساٿ ۽ سهڪار هميشه ياد رکيو ويندو.