اي ڊي سي ون شڪارپور محمد فيضان چيما جي صدارت هيٺ گڏجاڻي

شڪارپور ۾ ٿيليسميا جي بيماري ۾ هن وقت 338 مريض آهن: محمد فيضان چيما

شڪارپور(احسان ابڙو)ايڊيشنل ڊپٽي ڪمشنر ون شڪارپور محمد فيضان چيما جي صدارت هيٺ ٿيليسميا فائونڊيشن جي گڏجاڻي ڊپٽي ڪمشنر آفيس شڪارپور ۾ ڪوٺائي وئي۔تفصيل موجب اڄ ايڊيشنل ڊپٽي ڪمشنر ون شڪارپور محمد فيضان چيما جي صدارت هيٺ ٿيليسميا فائونڊيشن جي گڏجاڻي ڊپٽي ڪمشنر آفيس شڪارپور ۾ ڪوٺائي وئي۔ گڏجاڻيءَ سان ايڊيشنل ڊپٽي ڪمشنر ون محمد فيضان چيما گڏجاڻيءَ سان ڳالهائيندي چيو ته شڪارپور ۾ ٿيليسميا جي بيماري ۾ هن وقت 338 مريض آهن جن ۾ ٻار، ڇوڪريون عورتون، مرد، نوجوان ڇوڪرا هن موذي مرض ۾ مبتلا آهن. انڪري ضلعي انتظاميه، صحت، پوليس، ايڊيوڪيشن، هيلٿ سميت شڪارپور جي سڀني سرڪاري ملازمن توڙي شڪارپور جي شعور وندن نوجوانن کي عرض آهي ته هي مسڪين ماڻهو بيماريءَ ۾ ورتل آهن. انهن ماڻهن کي رت جي هڪ ٿيلي ڏئي مدد ڪندا ته وڌ ۾ وڌ ثواب دارين حاصل ٿيندو. هن چيو ته رت جو عطيو ڏيڻ سان انسان جي تي زڪوات به آهي ۽ رت ڏيڻ سان انساني همدردي ۽ ثواب خاطر ڪنهن بيماري جي حياتي بچائي وڃي. هن چيو ته اسان سوشل سماجي اڳواڻن، يونيورسٽي انتظاميه شڪارپور ۾ درد رکندڙ ماڻهن کي التجا ڪريون ٿا ته هن ثواب جي ڪم ۾ ڀرپور فائدو وٺن. ان موقعي تي ايڊيشنل ڊپٽي ڪمشنر ون محمد فيضان چيما چيو ته ٿيليسميا هڪ خطرناڪ بيماري آهي، جنهن ۾ ٻارن کي ڄمڻ کان وٺي تقريباً 12 سالن جي عمر تائين رت جي شديد کوٽ کي منهن ڏيڻو پوي ٿو۔ ايڊيشنل ڊپٽي ڪمشنر ون چيو ته رت جي مسلسل کوٽ انهن ٻارن جي زندگي لاءِ سنگين خطرو بڻجي سگهي ٿي۔ محمد افضل (افضل ميموريل ٿيليسيما فائونڊيشن) اي ايم ٽي ايف جي مئنيجر چيو ته ان مسئلي جي اهميت کي نظر ۾ رکندي 8 مئي 2026 تي ڊي ايڇ او آفيس سول اسپتال شڪارپور ۾ ٿيليسميا بابت 30-9 بجي صبح جو هڪ آگاھي واڪ منعقد ڪئي ويندي۔ واڪ جو مقصد عوام ۾ شعور پيدا ڪرڻ ۽ ٿيليسميا جي مريضن لاءِ محفوظ رت جي فراهمي کي يقيني بڻائڻ آهي۔ هن چيو ته رضاڪارانه رت عطيو مهم پڻ هلائي ويندي، جيئن رت جي ضرورت رکندڙ ٻارن کي بروقت رت فراهم ڪري سگهجي۔ ان موقعي تي پرويز احمد لاکو ڊي سي ايف اين جي او طرفان چيو ته چڪ ۾ 16 مئي تي ٽي بيءَ جي هڪ ڪيمپ رکيل آهي اتي به اسان رت جي عطيعي لاءِ به ڪيمپ هڻنداسين.ڻ ڊسٽرڪٽ پرجيڪٽ آفيسر سرسو ميڊم هميرا سومرو چيو ته اسانجو ٽيمون ڳوٺن ۾ وينديون آهن ۽ انهن کي به چونداسين ته هن ڪارخير جي ڪم ۾ حصو وٺن.اجلاس ۾ پوليس، هيلٿ ڊپارٽمينٽ جي آفيسرن، چئن تعلقن جي اسسٽنٽ ڪمشنرن، تعليم کاتي، سوشل ويلفيئر ڊپارٽمينٽ، لوڪل گورنمينٽ، سرسو سميت مختلف اين جي اوز جي نمائندن پڻ شرڪت ڪئي۔