ملير ۾ جوڳي موڙ واسڻ بيواهه عورت جي زمين تي مبينا قبضي جي ڪوشش

رامي زال پونجا پاران زمين تي مبينا قبضي ۽ ڌمڪين خلاف ڊي سي کي درخواست ڏئي انصاف جو مطالبو

ملير (رپورٽ: عبدالرشيد مورجھريو) نيشنل هاءِ وي ملير جي علائقي جوڳي موڙ جي رهواسڻ عورت رامي زال پونجا پنهنجي زمين تي مبينا قبضي ۽ ڌمڪين خلاف ڊپٽي ڪمشنر ملير کي درخواست ڏئي انصاف ۽ تحفظ فراهم ڪرڻ جي اپيل ڪئي آهي.درخواستگذار عورت رامي موجب هوءَ هڪ غريب ۽ بيواهه عورت آهي، جنهن لڳ ڀڳ ڏهه سال اڳ پنهنجا زيور وڪڻي 70 هزار رپين ۾ زمين خريد ڪئي هئي ته جيئن پنهنجي ٻارن لاءِ رهائش جو بندوبست ڪري سگهي. هن ٻڌايو ته جڏهن هوءَ پنهنجي زمين تي گهر تعمير ڪرائڻ لاءِ پهتي ته ترسيا، شامہ، مريا ۽ جيٺا نالي ماڻهن کيس زمين ڏيڻ کان انڪار ڪري ڇڏيو.بيواهه عورت موجب جوابدار کيس چون ٿا ته “ٻه لک رپيا وٺي زمين ڇڏي ڏي”، پر هوءَ پنهنجي زمين تان هٿ کڻڻ لاءِ تيار ناهي. هن الزام هنيو ته بااثر ماڻهو سندس مجبوري جو فائدو وٺي رهيا آهن ۽ کيس هراسان ڪيو پيو وڃي. عورت رامي وڌيڪ ٻڌايو ته سندس ٻه پٽ آهن، جن مان هڪ گردن جي بيماري ۾ مبتلا آهي، جڏهن ته ٻيو نشي جي عادت ۾ گرفتار آهي، جنهن سبب هوءَ سخت پريشانين ۽ تڪليفن واري زندگي گذاري رهي آهي. هن چيو ته وٽس نه ڪو سهارو آهي ۽ نه ئي قانوني ويڙهه وڙهڻ جا وسيلا آهن.متاثر عورت ڊپٽي ڪمشنر ملير ۽ ٻين اعليٰ اختيارين کان مطالبو ڪيو آهي ته سندس زمين تان قبضو ختم ڪرائي کيس انصاف فراهم ڪيو وڃي ۽ ملوث ماڻهن خلاف قانوني ڪارروائي ڪئي وڃي۔