ملير: رزاق آباد ۾ پارڪ جي نئين سر تعمير جاري، يوسي چيئرمين جائزو ورتو

ملير (رپورٽ: عبدالرشيد مورجھريو)يوسي چوڪنڊي جي چيئرمين عبدالرشيد پنھور ۽ وائس چيئرمين حاجي منظور عارفاڻي رزاق آباد ۾ نئين سر تعمير ٿيندڙ پارڪ جي ترقياتي ڪم جو دورو ڪري جاري تعميراتي سرگرمين جو جائزو ورتو ان موقعي تي يوسي ڪائونسلر، علائقي جا معزز ۽ رهواسي پڻ موجود هئا چيئرمين عبدالرشيد پنھور، وائيس چيئرمين حاجي منظور عارفاڻي ميڊيا سان ڳالهائيندي چيو ته ميئر ڪراچي مرتضيٰ وهاب ۽ ڊپٽي ميئر سلمان عبدالله مراد پاران يوسي چوڪنڊي لاءِ مختلف ميگا ترقياتي اسڪيمون ڏنيون ويون آهن، جن ۾ حسن پنھور ڳوٺ ۾ پورهيتن لاءِ 100 گهرن جي تعمير ۽ رزاق آباد ۾ پارڪ جي نئين سر تعمير شامل آهي هن چيو ته ڄاڻايل پارڪ واري هنڌ تي اڳ به سماجي تقريبون ۽ جنازي نماز جا اجتماع ٿيندا آهن، تنهن ڪري علائقي واسين کي بهتر سهولتون فراهم ڪرڻ لاءِ پارڪ کي جديد انداز ۾ تعمير ڪيو پيو وڃي هن وڌيڪ چيو ته ترقياتي اسڪيم تي ڪم تيزي سان جاري آهي ۽ جلد مڪمل ڪيو ويندو ان موقعي تي يوسي ڪائونسلر، صلاح الدين عارفاڻي، مشتاق کوسو، سيد عنايت علي شاھ، علائقي واسي سيد هارون شاهه، اجمل ڪلمتي ۽ ٻيا پڻ موجود هئا