مورو پوليس جي ڪارروائي، وڏي مقدار ۾ منشيات هٿ

ڪارروائي دوران خادم ميرالي کي گرفتار ڪيو ويو: پوليس

نوشھرو فيروز (ڊ ر)ايس ايس پي نوشھرو فيروز مير روحل خان کوسو جي هدايتن تي سب ڊويزنل پوليس آفيسر مورو ڊاڪٽر فائزہ سوڍر جي نگراني ۾ منشيات ۽ مضر صحت گٽڪا مافيا خلاف جاري ڪريڪ ڊائون دوران مورو پوليس ڪامياب ڪارروائي ڪندي هڪ جوابدار کي گرفتار ڪري ورتو۔ايس ايڇ او مورو امتياز علي کھاوڙ جي سربراهي ۾ پوليس ٽيم ڪارروائي ڪندي جوابدار خادم حسين ولد سلطان ميرالي، رهواسي ضلع جيڪب آباد کي گرفتار ڪيو۔ پوليس موجب جوابدار جي قبضي مان 160 پيڪٽ مضر صحت Z-21 گٽڪا سپاري ۽ هڪ ڪار هٿ ڪئي وئي آهي۔پوليس جوابدار خلاف مين پوري گٽڪا ايڪٽ جي قلم 7/8 تحت ڪيس نمبر 209/2026 داخل ڪري وڌيڪ جاچ شروع ڪري ڇڏي آهي۔ ايس ايس پي نوشھرو فيروز مير روحل خان کوسو ڪامياب ڪارروائي تي مورو پوليس جي ڪارڪردگي کي ساراهيندي چيو ته مضر صحت گٽڪا ۽ مين پوري جي خريد و فروخت ۾ ملوث عنصرن خلاف بنا فرق ڪارروايون جاري رهنديون۔ هن چيو ته نوجوان نسل کي نشي جي لعنت کان بچائڻ پوليس جي اولين ترجيح آهي۔ ضلعي پوليس ترجمان موجب گٽڪا مافيا خلاف وڌيڪ ڪارروايون پڻ جاري آهن۔