ٺارو شاهه ويجهو جهنگ مان نوجوان جو تشدد ٿيل لاش هٿ

33 views | 02nd Aug 2023 • سنڌي خبرون

ڳوٺ نوازيو ڀان واسي 18 سالا عاطف علي ڀان جو دليپوٽا ڀرسان جهنگ مان لاش مليو

ٺاروشاھ ڀرسان ڳوٺ نوازيو ڀان واسي نوجوان پورهت جو دليپوٽا جي جهنگ مان تشدد ٿيل لاش ھٿ وارث لاش کڻائي پوسٽ مارٽم لاء اسپتال پهچايو قتل جو ڪارڻ معلوم ٿي نه سگهيو,ٺاروشاھ ڀرسان ڳوٺ نوازيو ڀان واسي 18 سالا نوجوان پورهت عاطف علي ڀان جو دليپوٽا ڀرسان جهنگ مان لاش هٿ ٿيو مبينا طور قتل ٿيل نوجوان پورهت جي پيء الله رکيو ڀان ٻڌايو ته منهنجو پٽ عاطف ڀان گزريل ڪيتري ئي عرصي کان دليپوٽا ۾ سيٺ صدورو خان پنهور جي منهن جي واڙي تي ڪم ڪندو هئو جيڪو اڄ مال چارڻ لاء جنهگ ۾ ويو هئو ته پرسرار نموني لاش ھٿ آيو آھي هن چيو ته اسان انتهائي غريب آھيون ڪنهن سان به ڪابه دشمني ناهي خبر ناهي پٽ کي ڪنهن ماريو آھي هن چيو ته واقعي جي جاچ ڪرائي پٽ جا قاتل گرفتار ڪري انصاف ڪيو وڃي, ٻئي پاسي رابطو ڪرڻ تي ايس ايڇ او جمشيد راجپوت ٻڌايو ته لاش تحويل ۾ وٺي پوسٽ مارٽم ڪرائڻ لاء اسپتال پهچايو آھي واقعي جي هر رک کان جاچ ڪري رهيا آھيون پوسٽ مارٽم رپورٽ اچڻ بعد جاچ جو دائرو وڌايو ويندو.