جوهي ويجهو ناري جو سهري تي زيادتي جي ڪوشش جو الزام، وارثن سميت احتجاج

172 views | 09th Aug 2023 • سنڌي خبرون

متاثر ناري وارثن سميت احتجاجي مظاهرو ڪيو، سهري نظير ٻٻر خلاف ڪارروائي جو مطالبو

دادو (عبدلعزيز ٻٻر) جوھي تعلقه جي علائقي اٺين شاخ لڳ ڳوٺ حاجي پھوڙ جي رھواسي ممتاز علي ولد حاجي پھوڙ پنهنجي نوجوان نياڻي ريما پھوڙ سان گڏجي ميڊيا آڏو دانھيو ته مون پنهنجي نياڻي ريما پھوڙ ڪاڇي جي ڳوٺ مانجھي لئو جي رھواسي نصير ولد نظير ٻٻر کي شادي ڪرائي ڏني جيڪو گونگو پڻ آهي پر منهنجي نياڻي کي پنهنجو سھرو نظير ٻٻر حراسان ڪري زنا لاء زبردستي ڪري رھيو ھو انڪري مون پنهنجي نياڻي کي دادو جي عدالت ۾ نڪاح ٽورائڻ لاء درخواست داخل ڪرائي اھڙو ڪيس عدالت ۾ ھلندڙ آهي پر نظير ٻٻر پوليس عملدار يعقوب ٻٻر مڇرجي پنهنجي عزيز ايس ايڇ او جوھي عباس ٻٻر معرفت مونکي ھيسائي ڳوٺ تي چڙھائي ڪري مونکي گرفتار ڪري ناسن ۾ شراب وجھي سخت تشدد ڪيو ۽ چيو ته پنهنجي نياڻي واپس ڪر نه نه توکي ماري ڇڏينداسين بعد ۾ 35 ھزار رشوت وٺي مونکي آزاد ڪيو ويو پوء به مذڪورھ منهنجي نياڻي جو سھرو جوھي پوليس کي ساڻ ڪري منهنجي گھرن تي اچي ڇاپا ھڻائي ٿو جڏهن ته ناري ريما پھوڙ پڻ پنهنجي سھري پاران ڪيل زيادتين جي تصديق ڪئي ھنن آئي جي سنڌ ڊي آئي جي حيدرآباد ايس ايس پي دادو ۽ عدالت کان انصاف ۽ تحفظ جو مطالبو ڪيو جڏهن ته الزام ھيٺ آيل ڌر ۽ جوھي پوليس جو موقف ميڊيا کي نه ملي سگھيو