گڏاپ : پي ٽي آءِ پي ايس 99 جا 40 کان وڌيڪ ڪارڪنن ايس ٽي پي ۾ شامل

36 views | 21st Aug 2023 • سنڌي خبرون

پيپلز پارٽي 15 سالن جي حڪومت ۾ عوام کي خودڪشيون ڪرڻ تي مجبور ڪيو آهي: رجب مگسي

گڏاپ (رپورٽر) پي ٽي آءِ پي ايس 99 سهراب ڳوٺ ٽائون جي 40 کان وڌيڪ ڪارڪنن سنڌ ترقي پسند پارٽي ۾ شامل ٿي ويا. ايس ٽي پي هائوس ڪراچي ۾ ڊويزن اڳواڻ رجب مگسي پي ٽي آءِ ڪارڪنن کي سنڌ ترقي پسند پارٽي ۾ شامل ٿيڻ تي ڀليڪار ڪيو. پارٽي ۾ شامل ٿيندڙن ۾ زبير مگسي. سراج چانڊيو. عطاء الله مگسي. مختيار مگسي. رحمان ٻرڙو. ذوالفقار لاشاري. غلام وسيم سنڌي. علي احمد عمراني. رئيس رند. سليمان سنڌي. محمد علي مگسي. امان الله احسان سنڌي سميت 40 کان وڌيڪ ڪارڪن ايس ٽي پي ۾ شامل ٿي ويا، ڪراچي ڊويزن جي اڳواڻ رجب مگسي صحافين سان ڳالهائيندي چيو ته پيپلز پارٽي 15 سالن جي حڪومت ۾ عوام کي خودڪشيون ڪرڻ تي مجبور ڪيو آهي. ناردرن بائي پاس تي سسٽم جي نالي تي ھزارين ايڪڙ زمينن تي غيرقانوني قبضو ڪري ڌارين کي وڪرو ڪيون پيون وڃن. مقامي رھائشين خلاف ڪوڙا ڪيس داخل ڪيا ويا ۽ انھن کي موروثي زمينون خالي ڪرائڻ لاءِ دٻاء وڌو پيو وڃي. جيڪي ھزارين سالن کان اتي آباد آهن. هنن وڌيڪ چيو ته سهراب ڳوٺ ٽائون کي بنيادي سهولتون کان محروم رکيو ويو آهي جلد سھراب ڳوٺ ٽائون جي چيئرمين ۽ يوسيز جي چيئرمين. خلاف احتجاجي تحريڪ شروع ڪنداسين