نوشهرو فيروز : ڳوٺ رکيل فقير سولنگي واسي اسڪارپ کاتي جو ملازم 10 ڏينهن کان پراسرار نموني گم

محمد موسيٰ عرف سهيل سولنگي 10 ڏينهن اڳ رات جو گهران نڪرڻ بعد واپس ناهي آيو: وارث

نوشهرو فيروز (ڊر) ڳوٺ رکيل فقير سولنگي جو نوجوان محمد موسي عرف سهيل سولنگي 10 ڏينهن کان پراسرار گم آھي. اسڪارپ کاتي جو ملازم رات جو گهران نڪتو ته گم ٿي ويو جنھن ڪري نوجوان جي گهر م ڪھرام متل آھي. نوجوان جي مائٽن پاران پريس ڪلب نوشهروفيروز آڏو احتجاجي مظاھرو ڪيو ويو. ان موقعي تي نوجوان جي چاچي رستم سولنگي ٻڌايو ته ڀائٽيو 10 ڏينهن کان پراسرار نموني گم ٿي ويو آهي، ڪنهن سان به ڪا دشمني ڪانهي. نوشهروفيروز ٿاڻي تي نوجوان جي گمشدگي جي رپورٽ داخل ڪرائي وئي آھي. پر اڃا تائين پوليس نوجوان جي ڳولا ۾ سھڪار ڪرڻ لاءِ تيار ناھي. ٻئي پاسي 10 ڏينهن کان نوجوان جي گم ٿيڻ سبب گهر ۾ ڪھرام متل آھي ۽ وارث سخت پريشان آھن ۽ نوجوان جي ڳولا ۾ مدد جي اپيل ڪئي آهي