گڏاپ ۾ سنڌ نيشنل پارٽي پاران بدامنيءَ خلاف ۽ نياڻي پريا ڪماري جي آزادي لاءِ احتجاجي ريلي

44 views | 27th Aug 2023 • سنڌي خبرون

سنڌ ۾,اغوا , ڦرن ۽ ڌاڙن جون وارداتون عام ٿينديون پيون وڃن. سنڌ ۾ جديد هٿيار ڪٿان پيا اچن: رمضان بليدي

گڏاپ(رپورٽر)ڪراچي سنڌ نيشنل پارٽي پاران سنڌ ۾ وڌندڙ بدامنيءَ خلاف ۽ نياڻي پريا ڪماري جي آزادي لاءِ سھراب ڳوٺ ٽائون ايس اين پي ھائوس مان بسم الله چونڪ تائين احتجاجي ريلي ڪڍي مظاهرو ڪيو ويو. مظاھري جي اڳواڻي سنڌ نيشنل پارٽي جي سينيئر وائيس چيئرمين رمضان بليدي. نياز بليدي. ڊي ايم خاصخيلي. سردار لغاري ۽ ٻين ڪئي ان موقعي تي مظاهري کي خطاب ڪندي رمضان بليدي چيو ته سنڌ ۾,اغوا , ڦرن ۽ ڌاڙن جون وارداتون عام ٿينديون پيون وڃن. سنڌ ۾ جديد هٿيار ڪٿان پيا اچن , سنڌ کي وانا ۽ وزيرستان ٺاهيو پيو وڃي, سنڌ ۾ نه عزتون محفوظ آھن نه ئي ملڪيتون ۽ جانيون محفوظ آھن. اھڙي صورتحال ۾ سنڌ جو عوام ڪنھن مان اميد رکي. گذريل 2 سالن کان اغوا ٿيل 7 ورهين جي ٻارڙي پريا ڪماري جي بازيابي لاءِ قانوني ادارن طرفان ڪا به ڪوشش ناھي ڪئي وئي. جنھن ڪري معصوم پريا ڪماري جي بازيابي لاءِ سندس جا والدين سخت پريشان آهن، ھن وڌيڪ چيو ته والدين جيڪي پنهنجي اولاد کي هڪ پل لاءِ اکين کان پري ٿيندي ناھن ڏسي سگهندا، اھي پنھنجي ورهين کان پنهنجي ٻچڙن کان پري آهن، انهن جي دل تي ڇا ڇا گذرندي هوندي اهو ته اولاد وارو ئي بهتر سمجهي سگهي ٿو، جيڪڏهن حڪمرانن جا پنهنجا ٻار اغوا ٿيل هجن ها ته انهن کي والدين جي ڏک جي خبر پئي ها. اڳواڻن هاءِ ڪورٽ آف سنڌ، سپريم ڪورٽ آف پاڪستان سميت سمورن اختيارين کان مطالبو ڪيو ته پريا ڪماري کي جلد بازياب ڪرايو وڃي