نوشهروفيروز ۾ مھانگائي ۽ بدامني خلاف ڳوٺاڻن جي احتجاجي ريلي

48 views | 15th Sep 2023 • سنڌي خبرون

ڳاٽي ٽوڙ مھانگائي ۽ غربت عوام کي آپگھات ڪرڻ تي مجبور ڪري ڇڏيو آھي: اڳواڻ

نوشهرو فيروز (ڊر) مھانگائي ۽ بدامني خلاف ڳوٺاڻن پاران ريلي ڪڍي وئي. نوجوان سماجي اتحاد پاران ريلي ٺٽ ڳوراھو کان نڪتي جيڪا مٺياڻي کان ٿيندي نوشھري پھتي ۽ شھر جو گشت ڪرڻ بعد پريس ڪلب نوشهروفيروز آڏو پھتي. ان موقعي تي اڳواڻن زاھد حسين، سرائي ظفر، علي گوھر ڀرٽ ۽ ٻين چيو ته مھانگائي عوام جو جيئڻ حرام ڪري ڇڏيو آھي. عوام ھڪ ويلي لاءِ پريشان آھي. کنڊ، اٽو ۽ ٻيون کاڌ جون شيون خريدڻ کان وڏيون آھن. بدامني ۽ مھانگائي عروج تي آھي. ھنن مطالبو ڪيو ته پريا ڪماري سميت سمورا مغوي بازياب ڪرايا وڃن ۽ مھانگائي ۽ امن تي ضابطو آندو وڃي.