ڪنڌڪوٽ: ٻارن پاران جهنگ مان هٿ آيل راڪيٽ گولو گهر آڻڻ بعد ڦاٽي پيو، 7 گهرڀاتي اجل جو شڪار

223 views | 27th Sep 2023 • سنڌي خبرون

گولو ڦاٽڻ سبب عورتن ۽ ٻارڙن سميت 7 ڄڻا اجل جو شڪار ٿي ويا

ڪنڌڪوٽ ويجهو ڳوٺ بگي سبزوئي ۾ ٻارن پاران جهنگ مان مليل گولو گهر اندر ڦاٽي پيو، 7 گهرڀاتي اجل جو شڪار، علائقي واسين جو چوڻ آهي ته جهنگ ۾ هٿ آيل راڪيٽ جو گولو ڌنار ٻار استاد علي نواز سبروئي جي گهر کڻي آيا جيڪو ڌماڪي سان ڦاٽي پيو، گولو ڦاٽڻ سبب عورتن ۽ ٻارڙن سميت 7ڄڻا اجل جو شڪار ٿي ويا، 2 ڄڻا زخمي ٿي پيا، 3لاش اسپتال منتقل جڏهن ته ٻارڙن جا لاش ٽڪرا ٽڪرا ٿي ويا آهن، فوتين ۾ اياز سبزوئي، سندس ڀاءُ نياز، حنيفان زال ارسلا، زبير پٽ فياض، سندس ڀيڻ رخسانه، قربان پٽ غلام حسين، شهزادو پٽ گل حسن سبزوئي به فوتين ۾ شامل آهن، علائقي واسين موجب ڪجهه ڏينهن اڳ سبزوئي سندراڻي جهيڙي دوران راڪيٽ لانچر جا گولا فائر ڪيا ويا جن مان هڪ ڳوٺ ۾ ڪِريو هو