لاڙڪاڻو ڊويزن باڊي بلڊنگ ايسوسيئيشن جون سالياني چونڊون شڪارپور ۾ ٿيون

زمان اللھ ڀٽو صدر، عبدالوھاب ڪاغذي جنرل سيڪريٽري، استاد عبدالوھاب شيخ جيڪب آباد لاءِ نائب صدر مقرر

شڪارپور ( احسان ابڙو ) لاڙڪاڻو ڊويزن باڊي بلڊنگ ايسوسيئيشن جون سالياني اليڪشن سال 2023 شڪارپور اسڪائوٽ ھيڊ ڪوارٽر ۾ ٿي گذريون. تفصيل موجب لاڙڪاڻو ڊويزن باڊي بلڊنگ ايسوسيئيشن جون چونڊون 06 آڪٽوبر 2023 تي شڪارپور ڊويزنل اسڪائوٽ ھيڊ ڪوارٽر ۾ منعقد ٿيون، جنهن ۾ ڊويزن جي سمورن ضلعن لاڙڪاڻي، قمبر شهدادڪوٽ، ڪنڌڪوٽ، ڪشمور، جيڪب آباد ۽ شڪارپور جي باڊي بلڊنگ ايسوسيئيشن اڳواڻن ۽ شهرين وڏي انگ ۾ شرڪت ڪئي جنھن دوران آزاد ۽ شفاف چونڊون ڪرايون ويون جنھن ۾ آزاد مبصرن، سينيئر استادن ۽ رانديگرن پڻ شرڪت ڪئي جنھن کان پوءِ ھيٺيان عھديدار لاڙڪاڻي ڊويزن لاءِ چونڊيا ويا. 1. لاڙڪاڻو ڊويزن لاءِ صدر زمان الله ڀٽو.(تعلق لاڙڪاڻو) 2. لاڙڪاڻو ڊويزن جنرل سيڪريٽريءَ لاءِ استاد عبدالوهاب ڪاغذي(تعلق شڪارپور) 3. استاد عبدالوهاب شيخ جيڪب آباد سينيئر نائب صدر 1 4. صابر حسين لاڙڪاڻو سينيئر نائب صدر 5. ناصر علي بروهي ڪنڌ ڪوٽ ڪشمور سينيئر نائب صدر 6. آغا زيد خان پٺاڻ شڪارپور نائب صدر 7. ساجد علي شاهہ لکي غلام شاھ نائب صدر 8. ڪليم الله شيخ ڪنڌڪوٽ ڪشمور نائب صدر 9. آزاد علي قمبر شهداد ڪوٽ جوائنٽ سيڪريٽري 10. شفيق علي ڀٽو خزانچي شڪارپور 11. سلامت علي ابڙو لاڙڪاڻو پريس سيڪريٽري 12. زاهد علي جيڪب آباد آفيس سيڪريٽريءَ کي منتخب ڪيو ويو ان موقعي تي لاڙڪاڻو ڊويزن لاءِ چونڊيل صدر ضامن الله ڀٽو ۽ جنرل سيڪريٽري لاڙڪاڻو ڊويزن استاد عبدالوهاب ڪاغذي خطاب ڪندي چيو ت ڊويزن ۽ ضلعي انتظاميا پاران نوجوانن لاءِ صحتمند سرگرميون منعقد ڪرائڻ ۾ ناڪامي سبب راندين جي نوجوان جا سماجي براين ۽ ٻين غير صحتمند سرگرمين طرف راغب ٿين ٿا. انشاءَ الله باڊي بلڊنگ ايسوسيئيشن لاڙڪاڻو ڊويزن اوھان سڀني جي سهڪار سان ڊويزن ۽ ضلعي جي نوجوانن لاءِ صحت مند سرگرمين جا پروگرام ۽ مقابلا منعقد ڪندي.جنهن ۾ نوجوانن لاءِ باڊي بلڊنگ، مين فٽنيس ۽ ٻيون انڊور گيمز جا مقابلا ڪرايا ويندا. صحتمند رانديگر قوم جو سرمايو آهن، نوجوانن کي مايوس ٿيڻ نه ڏينداسين.