ٺٽي ۾ اسرائيلي جارحيت خلاف پ پ شھيد ڀُٽو ۽ ٺٽو يوٿ ايڪشن ڪميٽي پاران ريلي

اسرائيلي جارحيت عالمي دنيا کي نوٽيس وٺي، جنگ بند ڪرائڻ گھرجي: بابو احسان ڀُٽو

ٺٽو(ڊر) اسرائيلي جارحيت خلاف سڄي سنڌ جيان ٺٽي ۾ بہ پ پ شھيد ڀُٽو ۽ ٺٽو يوٿ ايڪشن ڪميٽي پاران ٺٽي ۾ الڳ الڳ احتجاجي ريليو ڪڍيون ويون، جنھن جي اڳواڻي پ پ شھيد ڀُٽو جي ضلعي صدر بابو احسان ڀُٽو، ٺٽو يوٿ ڪميٽي جي صدر فھد ڪرناڻي، سليم گندرو، ارباز درس، حاجي رمضان بروھي، شھروز چانگ، انور ڀُٽو، صدام لاشاري، مرتضيٰ بروھي، پيربخش سمون، اظھر گاھيو، ساجن ڀُٽو، قاسم گندرو، عاشق پالاري، شاھجھان شاھ گلاب خان لُنڊ، زاھد ڪوھستاني، معظم رند، ذولفقار بروھي، زاھد ميمڻ، رزاق گندرو، ذولفقار ڀٽ ۽ ٻين جي اڳواڻي ۾ اسرائيلي جارحيت خلاف سخت نعريبازي ڪري اسرائيلي جھنڊي کي باھ ڏيئي ساڙيندي چيو تہ اسرائيلي جارحيت جو عالمي دنيا کي نوٽيس وٺي، جنگ بند ڪرائڻ گھرجي، ڇاڪاڻ جو ان جنگ ۾ معصوم فلسطين سان وڏو ظلم ٿي رھيو آھي، پر مسلمان ملڪ بہ خاموش تماشائي بڻيل آھن، ھنن او آئي سي سميت عالمي دنيا کي پڻ اپيل ڪئي تہ ھو تحرڪ وٺي جنگ بند ڪرائي بيگناھ فلسطينين جي وھندڙ خون کي بند ڪرائين.