سلطانپور ويجھو ھٿياربندن جي فائرنگ ۾ پير جو ڳوٺ کان فيصلي لاءِ آيل 2 ڄڻا قتل، 2 زخمي

240 views | 27th Oct 2023 • سنڌي خبرون

ڳوٺ بادو خان شر ۾ شر ڌرين ۾ ھلندڙ پراڻي تڪرار تان ھٿياربندن فيصلي لاءِ آيلن تي فائرنگ ڪري ڏني

سلطانپور (رپورٽر) سلطانپور ڀرسان ڪينٽ ٿاڻي جي حد ڳوٺ بادوخان شر ۾ پراڻي زميني تڪرار تان شر ڌرين ۾ جھيڙو ٿي پيو، پيرجو ڳوٺ کان فيصلي لاء آيل شر برادري جي ھٿياربندن پاران موقعي جو فائدو وٺندي اوچتو انڌاڌنڌ فائرنگ ڪئي وئي جنهن جي نتيجي ۾ ھدايت الله پٽ مير محمد شر ۽ عابد علي پٽ عطامحمد شر مارجي ويا ۽2 ڄڻا عطامحمد پٽ قبول خان ۽ محمد عمر پٽ انور علي شر سخت زخمي ٿي پيا واقعي جو اطلاع ملڻ تي سلطانپور ڪينٽ ٿاڻي جي پوليس واقعي واري ھنڌ پھچي مقتولين جا لاش پوسٽ مارٽم ۽ زخمين کي علاج لاء پنوعاقل ۽ روھڙي اسپتال پھچايو , خوني جھيڙي تي ڪنٽرول ڪرڻ لاء سلطانپور ڪينٽ پوليس واقعي واري ھنڌ پھچي ڪنٽرول سنڀالي ورتو جڏھن تـ فائرنگ ڪري فرار ٿيندڙ جوابدارن جي گرفتاري لاء سلطانپور,سانگي ۽ دبر ٿاڻن جي حد ۾ ناڪابندي ڪئي وئي ۽ وڏي تعداد ۾ ڳوٺاڻا ڪمند جي سوين ايڪڙ بيٺل فصل ۾ لٿل آھن اوچتو پيش آيل خوني واقعي ۾ فائرنگ بعد علائقي ۾ خوف ۽ حراس ڇائنجي ويو آھي ايس ايڇ او سلطانپور محمد خان سيال ٻڌايو تـ واقعو پراڻي زميني تڪرار تان پيش آيو آھي ڪينٽ پوليس واقعي واري ھنڌ پھچي ڪنٽرول ڪري ورتو آھي وڌيڪ جاچ ڪري رھيا آھيون