روهڙي:پارڪ جي چوديواري ٺاهيندڙ ٺيڪيدار بيٺل وڻ غير قانوني طور وڍائي وڪڻي ڇڏيا

views | 07th Nov 2023 • سنڌي خبرون

ٽريڪر ٽرالي ڊرائيور فيروز پٺاڻ، عرض سومرو، علي حسن، علي شير سومرو ۽ گلاب خان پٺاڻ گرفتار

روھڙي (رپورٽر) روهڙي واري علائقي ريلوي ڪالوني لوڪوشڊ ۾ محمدي پارڪ (جنازي گاھ) جي چوديواري ٺاهڻ واري ٺيڪيدار محمدي پارڪ جنازي گاھ ۾ لڳل سرسبز قيمتي ڇانوَ وارا وڻ غيرقانوني طور ڪٽائيندي گاڏيون ڀري وڪروڪري ڇڏيا۽ ڪجھ رھجي ويل وڻ ٽريڪر ٽرالين ۾ ڀري وڪڻڻ وڃي رھيو ھو ته ريلوي اختيارين غيرقانوني وڻ ڪٽڻ ۽ وڪرو ڪرڻ جون وائرل ٿيل وڊيو ڏسندي ئي سختي سان نوٽيس وٺي ڇڏيو ۽ پوليس کي ڪارروائي جو حڪم ڏئي ڇڏيوجنھن بعد ريلوي پوليس ڪٽيل وڻن کي وڪري لاءِ کڻي ويندڙ مزدورن ۽ ڪاٺ سان ڀريل ٽريڪٽر ٽرالي کي تحويل ۾ وٺي ريلوي ٿاڻي تي نيو ويو جڏھن ته مذڪوره ٺيڪدار فرار ٿي ويو ٻئي پاسي پوليس اصل ڏوھاري ٺيڪدار کي آجو قرار ڏيندي فقط ٽريڪر ٽرالي ڊرائيور سميت 5 پورھيتن جن ۾ فيروز پٺاڻ , عرض محمد سومرو ,عليحسن سومرو, علي شير سومرو ۽ گلاب خان سليمان خيلي پٺاڻ شامل آهن جن تي سرڪاري ملڪيت کي نقصان ۽ چوري جو ڪيس داخل ڪري سمورن جڻن کي ريلوي ٿاڻي تي لاڪپ ڪيو ويو آهي، جڏهن ته سياسي سماجي تنظيمن سميت سوشل تنظيمن پاران ريلوي اختيارين , ميونسپل ڪميٽي روهڙي انتظاميه ۽ ٻيلي کاتي سميت ماحوليات کاتي کان گهر ڪئي آ ته ٺيڪيدار جنازي گاھ پارڪ ۾ موجود قيمتي ۽ قديمي وڻن کي غير قانوني طور وڍرائي سخت ڏوھ ڪيو ۽ پبلڪ پراپرٽي مان يعني پارڪ مان لکين روپين جا دروازا ۽ گرليون ڪڍي ڪٻاڙي کي وڪرو ڪيون آهن اھڙي لاپرواهي تي ٺيڪيدار ۽ مٿس سياسي پٺڀرائي ڪندڙ عنصرن خلاف سخت ڪارروائي سمورن ملوث ماڻهن خلاف قانوني ڪارروائي ڪري قانوني گرفت ۾ آڻي ٺيڪدار کي بليڪ لسٽ ڪيو وڃي.