جھمپير ريلوي اسٽيشن تان مختلف ٽرينن جا اسٽاپ ختم ٿيڻ خلاف احتجاج

140 views | 04th Dec 2023 • سنڌي خبرون

جھمپير ريلوي اسٽيشن تان مختلف ٽرينن جا اسٽاپ ختم ٿيڻ خلاف احتجاج

ٺٽو( محمد شفيق ڀٽي) جهمپير ريلوي اسٽيشن تان ھڪ گاڏي کانسواء ٻين گاڏين جا اسٽاپ ختم ڪرڻ ڪري مختلف شھرن جو سفر ڪندڙ شھري سمورن شھرن کان ڪٽجي ويا، جھمپير واسين جو احتجاج، سمورين مسافر گاڏين جا اسٽاپ بحال ڪري شھرين کي بھتر سفري سھولتون مھيا ڪرڻ جي گھر ڪري ڇڏي آھي، ان سلسلي جھمپير شھر جي ڪيترن ئي رھواسين دانھيندي چيو آھي تہ جھمپير ريلوي اسٽيشن ڪوھستان جي وڏي ريلوي اسٽيشن اھي، جتي وڏي تعداد ۾ ونڊ پاور ڪمپنيون لڳڻ باوجود جھمپير ريلوي اسٽيشن تان سواء هڪ ٽرين شاه لطيف ايڪسپريس جي باقي مهران ايڪسپريس سميت سمورين مسافر ريلوي گاڏين جا اسٽاپ ختم ڪري جھمپير واسين سان ناانصافي ڪري کانئن سفري سھولتون کسيون ويون آھن، ھنن چيو تہ هتي قائم سوين ونڊ ڪمپنين توڙي ڪوئلي جي کاڻين ۾ هزارين پورھيت ٻين صوبن جا ڪم ڪرڻ سميت تعليمي ادارن ۾ بہ ڪم ڪندڙ اسٽاف توڙي شاگرد بين شھرن کان ھتي اچن ٿا، جن کي بہ اچ وڃ ۾ سخت مشڪلاتون پيش اچڻ سميت هتي جا واپاري روزمره جيئان حيدرآباد ۽ ڪراچي ڏانهن سفر ڪن ٿا، پر کانئن سفر جون سھولتون کسڻ ڪري ھو سخت پريشان اھن، ھنن Ds پاڪستان ريلوي ڪراچي کان گھر ڪئي تہ جهمپير ريلوي اسٽيشن تي مهران ايڪسپريس سميت سمورين گاڏين جا اسٽاپ بحال ڪري شھرين کي سفري بھتر سھولتون مھيا ڪري پريشاني کان بچايو وڃي.