خانپور مھر ۾ ونواھ ۾ ويٺل ڪنوار مبينا اغوا، وارثن جو احتجاج
خانپور مھر ۾ ونواھ ۾ ويٺل ڪنوار مبينا اغوا، وارثن جو احتجاج
خانپورمهر: خانپورمهر جي شيخ محلي ۾ ونواھھ ۾ ويٺل ناري زينب سومرو ڌي نظام سومرو مبينا اغوا ٿي وئي، وارثن جو ناري جي بازيابي لاءِ احتجاج ڪيو ويو احتجاج ڪندڙ وارثن پاڙي ۾ رهندڙ نوجوان احسان شيخ پٽ سليمان شيخ مٿان مبينا طور اغوا جو الزام مڙهي ڇڏيو
ناري جي وارثن ماءُ مسمات پٺاڻي، چاچي حاجي حسن سومرو، شاهن سومرو ۽ ٻين دانھيندي چيو تھ جوابدار احسان شيخ ساٿين سان گڏ اسان جي نياڻي کي زبردستي اغوا ڪري ويا آهن، پٺاڻي سومرو جو چوڻ آھي تھ منهنجي نياڻي ونواھ ۾ ويٺل هئي تہ جوابدار احسان شيخ ۽ ٻيا کيس اغوا ڪري ويا آهن مدد ڪئي وڃي
جوابدار ڌر گهر خالي گهر خالي ڪري فرار ٿي وئي آهي، ٻي طرف علائقي ۾ چوٻول آهن تہ ناري زينب سومرو نوجوان احسان شيخ سان مبينا پيار جي پرڻي لاءِ فرار ٿي وئي آهي، پوليس جو چوڻ آھي تھ ناري جي اغوا جي اين سي رپورٽ داخل ٿي آهي ناري جي ڳولا ڪري رهيا آهيون، وارث ايف آئي آر داخل ڪرائڻ ناهن آيا اهي ايندا ته ايف آئي آر داخل ڪئي ويندي، معاملي جي وڌيڪ جاچ ڪئي پئي وڃي.
0 تبصرے