ڊي سي نوشھروفيروز محمد ارسلان سليم پاران آر ايڇ سي ڀرياسٽي جو دورو

191 views | 11th Dec 2023 • سنڌي خبرون

ڊي سي نوشھروفيروز محمد ارسلان سليم پاران آر ايڇ سي ڀرياسٽي جو دورو

نوشهرو فيروز (ڊر) ڊپٽي ڪمشنر محمد ارسلان سليم اڄ رورل هيلٿ سينٽر (RHC) ڀريا سٽي جو دورو ڪيو. ان موقعي تي ضلعي هيلٿ آفيسر ڊاڪٽر اسدالله ڪلهوڙو ۽ اسسٽنٽ ڪمشنر ڀريا پڻ موجود هئا، ڊپٽي ڪمشنر رورل هيلٿ سينٽر ڀريا جي مختلف شعبن جو معائنو ڪيو. هن اسپتال جي وارڊ، او پي ڊي، ايڪسري، ليبارٽري ۽ ميڊيڪل اسٽول جو دورو ڪيو. هن اسپتال ۾ صفائي سٿرائي جي ناقص انتظامن تي ڪاوڙ جو اظهار ڪندي اسپتال ۾ صفائي سٿرائي کي بهتر بڻائڻ جي هدايت ڪئي، ڊپٽي ڪمشنر اسپتال ۾ موجود طبي سهولتن جو جائزو ورتو ۽ ٻين سهولتن بابت ڄاڻ ورتي، ڊپٽي ڪمشنر اسپتال ۾ ايندڙ مريضن جو انگ معلوم ڪيو. هن اسپتال جي ميڊيڪل سپرنٽينڊنٽ کي هدايت ڪئي ته هو ضلعي هيلٿ آفيسر کي لکت ۾ اسپتال جي مسئلن ۽ ضرورتن کان آگاهه ڪن ۽ اسپتال ۾ سهولتن ۽ صفائي سٿرائي جا انتظام بهتر ڪن.