موھن جو دڙو ڀرسان مشھور ملھھ پھلان غلام سرور چنو جي ورسي تي ملاکڙو

196 views | 12th Dec 2023 • سنڌي خبرون

موھن جو دڙو ڀرسان مشھور ملھھ پھلان غلام سرور چنو جي ورسي تي ملاکڙو

موهن جو دڙو(رپورٽر) موهن جو دڙو ڀرسان چنا پل وٽان مشهور پهلوان مرحوم غلام سرور چنو جي 21 ورسي جي موقعي تي پهلوان جي پٽ نواب چنو طرفان ميلو لڳرايو ويو. جنهن جي شروعات واري ڏينهن تي زبردست ملاکڙو ٿيو. جنهن ۾ سڄي سنڌ مان 50 کان وڌيڪ ملهہ پهلوانن ملاکڙي ۾ حصو ورتو. پهلوانن ۾ نويد بلوچ، رحمان ڪوش، فداحسين چنو، طالب شيخ، راجا شر،معشوق جمالي ، عُشاق سولنگي سميت 50 ملهہ پهلوانن حصو ورتو. ان موقعي تي پهرين، ٻي ۽ ٽين جوڙ جي پهلوانن ميدان ماري داد ورتو. هوڏانهن ملهہ دوران ڌڪ لڳڻ سبب ڪيترائي پهلوان غش ٿي ويا جن کي ساٿي پهلونن مالشون ڪري سامت ۾ آندو. ملاکڙي ۾ وڏي انگ ۾ ماڻهن شرڪت ڪئي ۽ پهلوانن کي انعام ڏنا.