پيپلز پارٽيء عوامي پارٽي آھي جنھن جون پاڙون عوام ۾ مضبوط آھن: نادر علي مگسي

140 views | 08th Dec 2023 • سنڌي خبرون

پيپلز پارٽيء عوامي پارٽي آھي جنھن جون پاڙون عوام ۾ مضبوط آھن: نادر علي مگسي

وڳڻ(رپورٽر) پ پ پ اڳواڻ ۽ اڳوڻي ايم پي اي مير نادر علي مگسي جلسي کي خطاب ڪندي چيو آھي ته پيپلز پارٽيء عوامي پارٽي آھي سندس پاڙون عوام ۾ مضبوط آھن ايندڙ چونڊن ۾ پيپلز پارٽي وڏي اڪثريت سان ڪامياب ٿيندي وڳڻ لڳ ڳوٺ دڙي خوشحال تنيو ۾ تنيا برادريءَ جي چڱي مڙس مرحُوم خان محمد تنيو جي پٽ رئيس نواب خان تنيو کي برادري جي پڳ ٻڌرائڻ واري رسم ۾ شرڪت دوران مير نادر مگسي وڌيڪ چيو ته مان تنيا برادري جو شڪر گذار آھيان جن ھميشه پ پ پ جي اميدوارن کي ووٽ ڏئي ڪامياب ڪيو آھي ۽ اسانکي پڳ رسم واري پروگرام ۾ شرڪت جي دعوت ڏني آھي ھُن وڌيڪ چيو ته 27 ڊسمبر تي سڄي ملڪ مان عوام اچي شھيد بينظير ڀٽو کي ڀيٽا پيش ڪندو سندس ڏنل قرباني عيوض اڄ عوام خوشحال زندگي گذاري ٿو جڏھن ته پ پ جي حڪومت نج عوامي حڪومت ھُوندي آھي جنھن ۾ عوام کي مڪمل سھولتون فراھم ھُونديون آھن ڇو ته پ پ جو منشور عوام جي خدمت ڪرڻ آھي اسانکي ھر وقت پنھنجي عوام سان گڏُ ھُوندا آھيون کين ڪنھن به تڪليف ۾ اڪيلو ناھيون ڇڏيندا انڪري ئي ھتان جي عوام جي اسان سان ايتري محبت آھي جلسي کي تنيا برادري جي چيف سردار الطاف حسين تنيو حاجي عبدالجبار تنيو پروفيسر نذير احمد تنيو محمد حُسين چانڊيو رئيس عبدالنبي تنيو ۽ ٻين پڻ خطاب ڪيو جڏھن ته مير نادر مگسي ۽ سردار الطاف حسين تنيو کي پٽڪو پڻ پھرايو ويو ۽ مھمانن کي اجرڪ ۽ سنڌي ٽوپين جا تحفا پيش ڪيا ويا.