لوئر سنڌ ھندو ويلفيئر پئنچائيت 3 سالن کان اگھور ننڊ ۾ ستل آھي: ڊاڪٽر گل نانڪاڻي

لوئر سنڌ ھندو ويلفيئر پئنچائيت 3 سالن کان اگھور ننڊ ۾ ستل آھي: ڊاڪٽر گل نانڪاڻي

ميرپورخاص(بيورو رپورٽ) مشھور سماجي اڳواڻ، غريب مسڪين ماروئڙن جي سار لھندڙ ھڏڏوکي مسيحا ۽ انسان دوست ھندو پئنچائيت اڳواڻ ڊاڪٽر گل نانڪاڻي چيو آھي تہ لوئر سنڌ ھندو ويلفيئر پئنچائيت پاڪستان جيڪا گذريل 3 سالن کان اگھور ننڊ ۾ ستل آھي، گذريل 3 سالن دوران ان جي ڪابه گڏجاڻي ميٽنگ نه گھرائي وئي آھي، غريب مسڪين ۽ بيواھن جي فلاح ۽ ڀلائي جي دعوي ڪندڙ سنڌ جي 32 شھرن تي مشتمل لوئر سنڌ ھندو ويلفيئر پئنچائيت پاڪستان جي گذريل 3 سالن دوران ڪابه ڪارڪردگي ڏسڻ ۾ نه آئي آھي، ان عرصي دوران لوئر سنڌ جي جي لوھاڻا ھندو پئنچائيتن ۾ ڪافي مسئلا ۽ اوڻايون پيدا ٿيون آھن جڏھن تہ غريبن، بيواھن ۽ ضرورتمندن کي ملندڙ ماھوار پئسا به لوئر سنڌ پئنچائيت ۾ فنڊ نه هئڻ جو جواز ڄاڻائي گذريل 3 سالن کان بند ڪيا ويا آهن جيڪا سراسر ناانصافي آھي جڏھن تہ لوئر سنڌ ھندو ويلفيئر پئنچائيت پاڪستان جي موجوده باڊي جو مدو پورو ٿيڻ باوجود اڃان تائين ان جي نئين اليڪشن نہ ڪرائي ويئي آھي. ھن چتاءُ ڏيندي چيو تہ لوئر سنڌ ھندو ويلفيئر پئنچائيت پاڪستان جي اليڪشن 15 ڏينھن اندر ڪرائڻ ڪرائڻ توڙي لوھاڻا ھندو پئنچائيت ميرپورخاص جي پڻ اليڪشن ڪرائڻ جي تياري ڪرڻ لاءِ تحرڪ وٺڻ گهرجي ، ٻي صورت ۾ اسان قانوني طرح احتجاج ڪرڻ جو حق رکون ٿا. ھن چيو تہ پئنچائيت جي اليڪشن اڻ ڌري ۽ عدليا جي نگراني ۾ ڪرائي وڃي.