نوشھروفيروز ۾ شھيد بينظير ڀٽو کي ڀيٽا پيش ڪرڻ لاءِ تقريب منعقد

28 views | 29th Dec 2023 • سنڌي خبرون

نوشھروفيروز ۾ شھيد بينظير ڀٽو کي ڀيٽا پيش ڪرڻ لاءِ تقريب منعقد

نوشهروفيروز (ڊ ر) نوشهروفيروز جي خليفا محلا جي يادگار جسٽس خليفا محمد بچل ميمڻ ۾ شهيد راڻي محترمه بينظير ڀٽو جي 16 ورسي جي مناسبت سان تقريب منقعد ڪئي وئي ان موقعي تي کيس ڀيٽا پيش ڪرڻ لاء سندس تصويرون رکي ڏيئا ٻاري اڳوڻي ايم پي اي ممتاز چانڊيو , محمد ياسين چانڊيو خليفا عمير ميمڻ , خليفا رميز ميمڻ , خالد ميمڻ , عبيد ميمڻ , عبدالوهاب کوکر ۽ ٻين گلن جي ورکا ڪئي ۽ ان موقعي تي پي ايس 34 جي اميدوار اڳوڻي ايم پي اي ممتاز چانڊيو تقريب کي خطاب ڪندي چيو ته شهيد راڻي محترمه بينظير ڀٽو دنيا جي عظيم ليڊر هئي جنهن پاڪستاني عوام جي حقن خاطر پنهنجي زندگيء قربان ڪري ڇڏي جيڪا اڄ به عوام جي دلين ۾ سمايل آهي ۽ اسان سندس مشن تحت غريب بي پهچ عوام جي خدمت کي يقيني بڻائڻ لاء هر ممڪن ڪوشش ڪري رهيا آهيون هن چيو ته ضلعي اندر بنيادي سهولتون ڏئي رهيا آهيون ڳوٺ ڳوٺ جهر جهنگ ڊولپمينٽ جو ڄار وڇايو آهي عوام جي لاء تعليم صحت کان علاوه سندن روزگار لاء پڻ جاکوڙي رهيا آهيون جنهن کان پوئتي ڪونه هٽنداسين هن چيو ته انشاء الله ايندڙ چونڊن ۾ مخالفن کي اڳ جيان شڪست ڏئي رهجي ويل ڪم ڪرائي عوام جي دلين ۾ جاء ٺاهيندس پاڪستان پيپلز پارٽي ضلعي اندر مضبوط آهي مخالفن کي هڪ سيٽ به نصيب نه ٿيندي ان موقعي تي شهباز علي جوکيو عرفان چوڌري ۽ ٻيا پڻ موجود هيا