ملير ويجھو مبينا اغوا ٿيل معصوم ٻارڙَي جو ڪچري مان تشدد ٿيل لاش ھٿ

179 views | 01st Jan 2024 • سنڌي خبرون

ملير ويجھو مبينا اغوا ٿيل معصوم ٻارڙَي جو ڪچري مان تشدد ٿيل لاش ھٿ

ملير (رپورٽر) گهران شيء وٺڻ لاء نڪتل معصوم ٻارڙي جو ريڙهي ڳوٺ دبلا پاڙو سمنڊ ڪناري ويجهو ڪچري مان معصوم ٻارڙي جو تشدد ٿيل لاش هٿ آيو لاش جي اطلاع تي پوليس پهچي ضروري ڪارروائي بعد لاش پوسٽ مارٽم لاءِ جناح اسپتال منتقل ڪيو. مقتول ٻارڙي جي سڃاڻپ لال آباد واسي مصطفيٰ پٽ زاهد طور ٿي. ان سلسلي ۾ پوليس موجب مقتول ٻارڙي جي پيءُ زاهد خان جي مدعيت ۾ 3 ڏينهن اڳ نينگر جي اغوا جي ايف آءِ آر پڻ داخل ڪرائي وئي هئي ايف آءِ آر موجب ٻارڙو پنهنجي پنجن سالن جي ڀاءُ سان گڏ گهران دڪان تان شيءِ وٺڻ جي لاءِ نڪتو جيڪو واپس نه آيو جنهن جي ڪافي ڳولا ڪئي وئي. ايف آءِ آر ۾ ڄاڻايو ويو آهي ته منهنجي پٽ کي ڪنهن نامعلوم ماڻهو اغوا ڪيو آهي. ايف آءِ آر جي داخل ٿيڻ جي ٻن ڏينهن بعد معصوم ٻارڙي جو سمنڊ ڪناري تشدد ٿيل لاش هٿ آيو.