سجاول ۾ ريجنل ڊائريڪٽر محتسب پاران واٽر سپلائي اسڪيم ميرپور بٺورو جو دورو

31 views | 10th Jan 2024 • سنڌي خبرون

سجاول ۾ ريجنل ڊائريڪٽر محتسب پاران واٽر سپلائي اسڪيم ميرپور بٺورو جو دورو

سجاول(گلشيرميربحر)ريجنل ڊائريڪٽر محتسب سجاول/ ٺٽو ڊاڪٽر رياض احمد صديقي ايگزيڪيوٽو انجنيئر پبلڪ هيلٿ نصير احمد جوکيو ، اسسٽنٽ انجنيئر ڪليم الرحمان سومرو بين لاڳاپيل عملدارن سان گڏ واٽر سپلاءِ اسڪيم ميرپور بٺورو جو دورو ڪري بائونڊري وال جي تعميراتي ڪم جو معائنو ڪيو. هُن پبلڪ هيلٿ کاتي پاران واٽر سپلاءِ اسڪيم جي بائونڊري وال جي مڪمل ٿيڻ ۽ صحيح ڪم ڪرڻ تي پنھنجي اطمينان جو اظهار ڪيو. ان موقعي تي هُن لاڳاپيل عملدارن کي هدايت ڪئي ته عوام کي پيئڻ جي صاف پاڻي سميت ٻيون بنيادي سهولتون بروقت فراهم ڪرڻ ۾ ڪا بہ ڪسر نه ڇڏي وڃي ته جيئن کين ڪنهن به قسم جي پريشاني کي منهن ڏيڻو نه پوي. واضح رهي ته ڄاڻايل واٽر سپلاءِ اسڪيم جي بائونڊري وال جي اڏاوت واري ڪم ۾ دير ٿيڻ ۽ سست رفتاري بابت امتياز علي خواجا پاران پبلڪ هيلٿ کاتي خلاف مليل شڪايت جو نوٽيس وٺندي ريجنل ڊائريڪٽر محتسب سجاول/ ٺٽو لاڳاپيل کاتي کي بائونڊري وال جي تعمير جلد مڪمل ڪرڻ لاءِ پابند ڪيو هو.