رتوديرو ويجھو ھٿياربندن جي فائرنگ ۾ دڪان تي ويٺل نوجوان مارجي ويو

80 views | 22nd Jan 2024 • سنڌي خبرون

رتوديرو ويجھو ھٿياربندن جي فائرنگ ۾ دڪان تي ويٺل نوجوان مارجي ويو

رتوديرو ويجھو ھٿياربندن جي فائرنگ ۾ دڪان تي ويٺل نوجوان مارجي ويو، ڳوٺ گهوٽا ۾ نامعلوم هٿيار بندن پنهنجي دڪان تي ويٺل نوجوان مٿان فائرنگ ڪئي جنهن جي نتيجي ۾ گوليون لڳڻ سبب 28 ورهين جو مور پٽ گهوٽو سخت زخمي ٿي پيو جنهن کي علاج لاء تعلقه اسپتال رتوديرو آندو ويو جتان ڳڻتي جوڳي حالت ۾ کيس لاڙڪاڻو علاج لاء نيو پئي ويو تھ ھن رستي ۾ دم ڏئي ڇڏيو، سندس مامي علي نواز گهوٽو ميڊيا کي ٻڌايو ته منهنجو ڀاڻيجو پنهنجي ڪرياني جي دڪان تي ويٺل هيو ته ٻن ڄڻن اچي هن مٿان فائرنگ ڪئي. ٻئي طرف رابطو ڪرڻ تي ايس ايڇ او رتوديرو الطاف ڪانڌڙو ٻڌايو ته واقعو جلباڻي ۽ گهوٽا ذات جي ٻن ڌرين ۾ ھلندڙ زرعي زمين جي تڪرار تان پيش آيو آھي وڌيڪ جاچ ڪري رهيا آھيون.