شھدادپور ويجهو ڳوٺ نچايو ڀاڻوجو ۾ نوجوان ناري جو گهر ٻاهران وڻ ۾ ٽنگيل لاش هٿ

156 views | 26th Jan 2024 • سنڌي خبرون

شھدادپور ويجهو ڳوٺ نچايو ڀاڻوجو ۾ نوجوان ناري جو گهر ٻاهران وڻ ۾ ٽنگيل لاش هٿ

شھدادپور (رپورٽر) شھدادپور لڳ نوجوان ناريءِ جو وڻ ۾ ڦاهو کاڌل لاش هٿ، وارثن پاران واقعو آپگهات قرار، پوليس مڙھ تحويل ۾ وٺي پوسٽ مارٽم لاءِ اسپتال منتقل ڪري ڇڏيو، ڳوٺ نچايو ڀاڻوجو ۾ 18 ورهين جي لڇمي ڌيءُ پاٻوڙو ڀيل جو گهر ٻاهران وڻ ۾ ڦاهو کاڌل لاش مليو اطلاع تي مقصودو رند پوليس پهچي مڙھ لهرائي اسپتال منتقل ڪيو. سجاد ڀيل جو چوڻ هو ته ڀيڻ جو دماغي توازن درست نه رهندو هو، ڪابه گهرو اڻبڻت نه هئي،پنهنجي ڳلي ۾ رئو وجهي ڦاهو کائي پنهنجي زندگي جو ڏيئو اجهائي ڇڏيو، پوليس جو چوڻ هو ته معاملي جي جاچ لاءِ مڙھ جو پوسٽ مارٽم ڪرايو پيو وڃي. حتمي رپورٽ اچڻ بعد ئي موت جو اصل ڪارڻ معلوم ٿي سگهندو.