جماعت اسلامي طرفان ڪراچيءَ کان ڪشمور تائين ڪشميرين سان ايڪتا ڏهاڙو ملهايو ويو

جماعت اسلامي طرفان ڪراچيءَ کان ڪشمور تائين ڪشميرين سان ايڪتا ڏهاڙو ملهايو ويو

ڪراچي (اسٽاف رپورٽر) جماعت اسلامي طرفان 5 فيبروري تي ڪراچيءَ کان ڪشمور پوري سنڌ ۾ ڪشمير جو ڏهاڙو ملهايو ويو ان سلسلي ۾ ڪراچيءَ ، سکر جيڪب آباد ، ميرپورخاص ، نوابشاهه،جھڏو ڪنڌڪوٽ ، لاڙڪاڻو سميت شڪارپوربدين سميت ڪيترن ئي شهرن ۾ ريليون ، جلسا ۽ ميڙاڪا منعقد ڪيا ويا جڏهن ته هٿن جي زنجير ٺاهي ڪشميري عوام سان ايڪتا جو اظهار ڪيو ويو.شرڪاء ڪشمير جي آزادي تائين جنگ اسان جي جاري رهندي، ڀارت جو هڪ علاج الجهاد الجهاد ، ڪشمير کي آزاد ڪريو جا اڀ ڏاريندر نعرا هنيا ان موقعي تي ڪشمير ۾ جاري ظلم جي مذمت ، عالمي ضمير توڙي انسان حقن جي ادارن کي انجو نوٽس وٺڻ ۽ اقوام متحده کان پنهنجي پاس ڪيل قرارداتن تي عمل ڪرڻ لاءِ ٺهراءُ پڻ منظور ڪياويا. جماعت اسلامي سنڌ جي امير اڳوڻي ايم اين اي محمد حسين محنتي ڊگري کان جھڏو تائين ڪڍيل موٽر سائيڪل ڪشمير ريلي کي خطا ب ڪندي چيو ته ڀارت ڪشمير ۾ ظلم ۽ بربريت جي انتها ڪري ڇڏي آهي،خوبصورت ڪشمير وادي کي دنيا جي سڀ کان وڏي جيل ۾ تبديل ڪيو ويو آهي . عالمي ضميرتوڙي انسان حقن جا ادار خاموش تماشائي، اقوام متحدھ انڌي ٻوڙي۽ گونگي بڻيل آهي . ڪشميرين جي جدوجهد ضرور هڪ ڏينهن رنگ لائيندي ڪشمير ماٿري تي آزادي جو سج ضرصر اڀرندو . هن چيو ته 1990 ۾ سڀ کان پهريون اڳوڻي امير قاضي حسين احمد 5 فيبروري جو ڪشميرين سان يڪجهتي جو ڏهاڙو ملهايو هو جيڪو هاڻي هر سال ملهائيو ويندو اهي . پاڪستان جي باني قائد اعظم ڪشمير کي ساه واري رڳ قرار ڏنو هو انڪري ڪشمير کان سواءِ پاڪستان اڌورو آهي . ريلي کي صوبائي اڳوڻ افضال صديقي ، قومي ۽ صوبائي اسمبلي جي اميدوارن حنيف قائم خاني ۽ محمد طاهر جٽ پڻ خطاب ڪيو . ڪنڌ ڪوٽ ۾ گولا موڙ کان گھنٽا گھر چوڪ تائين رٿيل ڪشمير ريلي کي صوبائي اڳواڻ ۽ قومي اسمبلي جي 191 جي اميدوار حافظ نصراللھ چنا، صوبائي اسمبلي جي تڪ 04 جي اميدوار غلام مصطفي ميراڻي ، ايڊوڪيٽ عبداللھ گولو خطاب ڪندي چيو ته ڪشمير ۾ هڪ ڏينهن ظلم جي ڪاري رات ضرور ختم ٿيندي . اڌ صدي کان ملڪ ۾ حڪمراني ڪندڙ ٻن وڏين پارٽين پ پ ۽ ن ليگ ڪشمير جي سودي بازي ، مهانگائي بدامني ۽ ڪرپشن جي تحفن کانسواءِ عوام ٻيو ڪجھ به ڪونه ڏنو آهي ڪشميري عوام اللھ جي آسري تي پنهنجي ڌرتي جي آزادي لاءِ جنگ جوٽي هئي جيڪي ضرور هڪ ڏينهن پنهنجي منزل حاصل ڪندا