نوشھروفيروز ۾ جسقم پاران معصوم پريا ڪماري جي بازيابي لاءِ احتجاج

241 views | 26th Apr 2024 • سنڌي خبرون

نوشھروفيروز ۾ جسقم پاران معصوم پريا ڪماري جي بازيابي لاءِ احتجاج

نوشهرو فيروز (ڊر) جسقم پاران معصوم نياڻي پريا ڪماري جي بازيابيءَ لاءِ پريس ڪلب نوشهروفيروز آڏو احتجاجي مظاھرو ڪيو ويو. ان موقعي تي جسقم اڳواڻن امتياز کوسو، فريد لاشاري، فرحان وسطڙو، منير وسطڙو، اسد عمراڻي ۽ ٻين چيو ته معصوم نياڻي پريا ڪماري جي اغوا کي ٽي سال ٿيڻ وارا آھن پر اڃا تائين معصوم نياڻي بازياب ناھي ٿي سگھي جنھن سبب سنڌ جي ماڻھن ۾ ڳڻتي جي لھر ڇانيل آھي. ھنن چيو ته پريا ڪماري جي اغوا جو معاملو سنڌي ھندن ۾ عدم تحفظ جو احساس پيدا ڪرڻ آھي. ھنن چيو ته پريا ڪماري کي بازياب ڪرايو وڃي ۽ اغوا ۾ ملوث ڪردارن کي وائکو ڪيو وڃي ۽ سنڌ مان بدامني ختم ڪرائي اغوا ٿيلن کي بازياب ڪرايو وڃي. ٻي صورت ۾ احتجاج جو دائرو وڌايو ويندو.