ٺٽي ۾ پ پ شھيد ڀٽو پاران جونيئر ذوالفقار علي ڀٽو جي سالگرھھ ملھائي وئي

ٺٽي ۾ پ پ شھيد ڀٽو پاران جونيئر ذوالفقار علي ڀٽو جي سالگرھھ ملھائي وئي

ٺٽو(ڊر) ٺٽي ۾ پ پ شھيد ڀٽو ضلعي ٺٽي طرفان ضلعي صدر بابو احسان ڀٽو جي رھائشگاھ تي سنڌ جي بھادر انقلابي فرزند شھيد مير مرتضي ڀٽو جي فرزند ۽ ٻلھڻ فائونڊيشن جي سربراھ جونيئر ذولفقار علي ڀٽو جي ٻٽيھين سالگرھ واري تقريب منعقد ڪئي ويئي، جنھن ۾ ڪچھري ڪندي سنڌ ڪلچرل فورم جي باني چيئرمين صادق لاکو چيو ته ٻلھڻ فائونڊيشن جوڙي ٻلھڻ مڇيء سميت سموري ماحول دوست ۽ جھنگلي جيوت جي تحفظ لاء جاکوڙ ڪرڻ جونيئر ذولفقار علي ڀٽو جو ننڍي عمر ۾ تمام وڏو ڪارنامو آهي، جونيئر ڀٽو جي ھن وقت تائين ڪيل تحريڪ ۽ گفتار مان اھا ڳالھ محسوس ٿي آھي ته ھي نوجوان سنڌ جي ھزارين سالن جي روادار صوفياڻي فڪر، ڌرتي دوست سوچ جو طرفدار ۽ مذھبي ڪروڌ، ظلم جبر ۽ ڏاڍ جي خلاف آھي. ان موقعي تي پ پ(ش ڀ) سنڌ جي اڳواڻ چاندي خان بروھي، بابو احسان ڀٽو، پير بخش سمون چيو تہ مير مرتضي ڀٽي آخري دم تائين عوام جي حقن، وطن ۽ ان جي خوشحالي جي ڳالھ ڪئي، جيڪو ظالم ۽ جابر قوتن کي پسند نہ آئي ۽ کيس ھڪ رٿابندي تحت شھيد ڪري غريب ۽ مسڪين ماڻھن کان کيس پري ڪيو، ھنن چيو تہ ذوالفقار ڀٽو جونئير بہ پنھنجي والد جيان عوام جي ڳالھ ڪري رھيو آھي، جيڪو جلد ھن ظالم ۽ جابر دور جو خاتمو آڻي عوامي حڪومت کي وجود ۾ آڻيندو، جتي عدل، انصاف ھوندو. تقريب ۾ ڪلچرل فورم جي محمد شريف جاکرو، شھباز علي جاکرو، پپو ڀٽو، سجاد قريشي ۽ ٻيا پڻ موجود ھئا. آخر ۾ سالگرھ جو ڪيڪ پڻ ڪاٽيو ويو.