احمدپور ڀرسان ڦر دوران مزاحمت تي نوجوان قتل، هڪ ڄڻو زخمي

40 views | 11th Sep 2024 • سنڌي خبرون

فائرنگ جي نتيجي ۾ صدام پنهيار مارجي ويو ۽ بخت پنهيار سخت زخمي ٿي پيو، اسپتال منتقل

احمدپور ڀرسان ڦر دوران مزاحمت تي نوجوان قتل، هڪ ڄڻو زخمي

احمدپور,احمدپور ڀرسان ڳوٺ حسو ڪانهر روڊ تي ٻن موٽر سائيڪل سوار ڳوٺاڻن کان هٿياربندن ڦر ڪرڻ جي ڪوشش ڪئي مزاحمت ڪرڻ تي هٿياربندن گوليون هڻي نوجوان صدام پنهيار کي قتل ڪري ڇڏيو جڏهن ته گوليون لڳڻ سبب بخت پنهيار سخت ٿي پيو. فائرنگ جو آواز ٻڌڻ تي ڀرپاسي جي ڳوٺاڻن نوجوان جو مڙھ ۽ زخمي نوجوان کي پيرڳوٺ اسپتال منتقل ڪيو جڏهن ته فوتي نوجوان صدام پنهيار ۽ زخمي بخت پنهيار ڳوٺ مينهون پنهيار جا رهواسي ٻڌايا پيا وڃن. جن جي وارثن کي پڻ اطلاع ڏنو ويو آهي.ٻئي طرف رابطو ڪرڻ تي احمدپور پوليس جو چوڻ هو ته واقعو ڦر مزاحمت ڪرڻ تان پيش آيو آهي.