ججز آئيني ترميم ذريعي آئين جو حليو تبديل ڪيو پيو وڃي : محمد حسين محنتي

ججز آئيني ترميم دستور جمھوريت توڙي پارليامينٽ سان مذاق آھي ديني مدرسا اسلام جا قلعا ۽ خير جا مرڪز آھن

ڪراچي (اسٽاف رپورٽر) جماعت اسلامي سنڌ جي امير اڳوڻي ايم اين اي محمد حسين محنتي چيو آھي تہ ججز آئيني ترميم ذريعي آئين جو حليو بگاڙيو پيو وڃي جيڪو دستور جمھوريت توڙي پارليامينٽ سان مذاق آھي ديني مدرسا اسلام جا قلعا ۽ خير جا مرڪز آھن. حڪومت رڪاوٽون وجهڻ بدران انھن کي سھولتون مھيا ڪري. نظام مصطفيٰ صہ ئي عوام جي مڙئي مسئلن جو حل ۽ ملڪي ترقي جو ضامن آھن اھڙن خيالن جو اظھار ھن قباء آڊيٽوريم ۾ ديني مدرسن جي مھتممن جي اجلاس کي خطاب ڪندي ڪيو . صوبائي اڳواڻ مولانا آفتاب ملڪ ۽ ٻيا پڻ موجود ھئا. ھن وڌيڪ چيو تہ قرآن وسنت کان منھن موڙڻ ڪري اڃ پاڪستان سميت سڄي مسلمان امت بي شمار مسئلن جي وڙ چڙھيل آھي ڳاٽي ٽوڙ مھانگائي ۽ بي برڪتي وياجي نظام جو نتيجو آھي ڇو تہ بجيٽ جو اڌ کان وڌيڪ حصو قرضن توڙي وياج جي واپسي ۾ وڃي ٿو انڪري وياجي نظام ۽ ڪرپٽ قيادت کان نجات حاصل ڪرڻ بغير ملڪ ترقي ۽ عوام مسئلن مان نجات حاصل نٿا ڪري سگهن.