ٺٽي ۾ بلڙي شاهه ڪريم واسي نوجوان جو معصوم ڀاءُ سميت سول اسپتال مڪلي انتظاميه خلاف احتجاج

ننڍي ڀاءُ جي هرنيا جي آپريشن لاءِ ڊاڪٽر هڪ هفتي کان پريشان ڪري رهيا آهن، سرجيڪل وارڊ ۾ بجلي ئي ناهي: علي اڪبر سمون

ٺٽو( شفيق ڀٽي)بلڙي شاهه ڪريم جي رهواسين پنهون مهيشوري ۽ ليهار مهيشوري ۽ ٺٽي شهر واسي علي اڪبر سمون عوامي پريس ڪلب ٺٽو ۾ ڌار ڌار پريس ڪانفرنسون ڪندي چيو آهي ته اسان کي هرنيا جي آپريشن لاءِ پنجن ڏينهن کان وٺي دربدر ڪيو پيو وڃي، جڏهن ته علي اڪبر سمون جو چوڻ هو ته کيس سندس ننڍي ڀاءُ جي هرنيا جي آپريشن لاءِ هڪ هفتي کان وٺي پريشان ڪيو پيو وڃي. ھن جو وڌيڪ چوڻ ھو ته سول اسپتال مڪلي جي سرجيڪل وارڊ ۾ بجلي نه هجڻ سبب مڇرن جو پڻ وڏو آزار آهي، جنهن ڪري مريضن ۽ ان سان گڏ ايندڙن جي حالت وڌيڪ خراب ٿي رهي آهي، جنھن لاءِ انتظاميه پاران ڪي به اپاءُ نٿا ورتا وڃن ,پنهون مھيشوري، ليهار مھيشوري ۽ علي اڪبر سمون وڌيڪ چيو ته اسپتال ۾ سفارش کڻي ايندڙ مريضن جو علاج فوراً ڪيو وڃي ٿو، جڏهن ته اسان جهڙا غريب ماڻهو دربدر ٿي رهيا آهيون. سول اسپتال مڪلي مرف انتظاميه جي حوالي ٿيڻ کانپوءِ منجھس صحت جون سهولتون مڪمل طور تي اڻلب آهن. هنن صحت کاتي جي وزير ۽ ٻين وس وارن کان مطالبو ڪندي گھر ڪئي ته سول اسپتال مڪلي ۾ فوري طور تي بجلي جي فراهمي، علاج جون بنيادي سهولتون ۽ غريب مريضن کي مناسب علاج فراهم ڪرڻ جو بندوبست ڪيو وڃي.