عمرڪوٽ مان سماجي ورڪر جي چوري ٿيل موٽرسائيڪل واپس نه ٿي

20آڪٽوبر تي وچ شهر مان اڻڄاتل چور غني عاجز جي موٽرسائيڪل ڪاهي ويا

عمرڪوٽ (رپورٽر) عمرڪوٽ شهر ۽ ڀرپاسي ۾ بدامني، چوري، ڦرن جا واقعا معمول بڻيل، پوليس سياسي ۽ سماجي ورڪر غني عاجز جي چوري ٿيل موٽر سائيڪل واپس ڪرائڻ ۾ ناڪام، سياسي، سماجي ڌرين ۾ تاءُ پکڙيل. پيرائتي خبر موجب عمرڪوٽ سان تعلق رکندڙ سوشل ورڪر غني عاجز جي موٽرسائيڪل 20 آڪٽوبر جي رات وچ شهر مان اڻڄاتل چور چوري ڪري ويا هئا. پوليس 10 ڏينهن گذري وڃڻ باوجود چورن جو پتو لڳائڻ ۽ موٽرسائيڪل واپس ڪرائڻ ۾ ناڪام آهي، جنهنڪري شهر جي سياسي، سماجي ڌرين ۾ تاءُ پکڙيل آهي. عمرڪوٽ جي سياسي، سماجي اڳواڻن چتاءُ ڏنو آهي ته سياسي، سماجي ورڪر غني عاجز جي چوري ٿيل موٽرسائيڪل جلد واپس ڪرائي جوابدارن کي گرفتار ڪيو وڃي، ٻي صورت ۾ سخت احتجاج ڪيو ويندو.