ٻارن جي روشن مستقبل ۽ تحفظ جي حوالي سان سنڌ حڪومت پر عزم آهي: سيده رخسانه شاهه

39 views | 24th Nov 2024 • سنڌي خبرون

معاشري ۾ ھر طرف معصوم ٻار تشدد ، زيادتي ۽ حراسمنٽ جو شڪار ٿين ٿا: ايم پي اي

ٻارن جي روشن مستقبل ۽ تحفظ جي حوالي سان سنڌ حڪومت پر عزم آهي: سيده رخسانه شاهه

ٺٽو(محمد شفيق ڀٽي) سوشل ويلفيئر کاتي جي پارلياماني سيڪريٽري ۽ ايم پي اي سيده رخسانه شاهه چيو آهي ته ٻارن جي روشن مستقبل ۽ تحفظ جي حوالي سان سنڌ حڪومت پر عزم آهي - ھن چيو آهي ته معاشري ۾ ھر طرف معصوم ٻار تشدد ، زيادتي ۽ حراسمنٽ جو شڪار ٿين ٿا ، جنھن جي پيش نظر سوشل ويلفيئر کاتي پاران چائلڊ پروٽيڪشن پروگرام شروع ڪيو ويو آهي - اھڙن خيالن جو اظهار ھن عوام جي آگاهي لاءِ جاري ڪيل پنهنجي ويڊيو پيغام ۾ ڪيو آهي -پارلياماني سيڪريٽري سوشل ويلفيئر ۽ ايم پي اي سيده رخسانه شاهه بخاري عوام الناس تي زور ڏنو آهي ته تعليمي ادارن سميت ڪنهن به جڳھ تي ٻارن تي ظلم ،تشدد ،زيادتي ۽ حراسمنٽ ٿيندي ڏسن ته ھو فوري طور تي سند چائلڊ پروٽيڪشن اٿارٽي جي چوويھ ڪلاڪ فعال رھندڙ ھيلپ لائن نمبر 1121 تي رابطو ڪن ته جيئن مظلوم ٻارن جون زندگيون محفوظ بڻائي سگهجن - ھن چيو آهي ته ان ڏس ۾ سول سوسائٽي جا نمائندا پنهنجي ذميواري جو مظاهرو ڪندي ٻارڙن جي حقوق جي حفاظت ۽ انهن جو آواز بڻجڻ لاءِ سنڌ چائلڊ پروٽيڪشن اٿارٽي جو ساٿ ڏين ته جيئن ٻارڙن جي حقوق جي حفاظت کي يقيني بڻائڻ سان گڏوگڏ ملوث عنصرن کي پڻ ڪڙي سزا ڏياري سگهجي –