سجاول ۾ سورج سجاولي پريس ڪلب جي سٿ پاران مچ ڪچهري ۽ راڳ رنگ جي محفل منعقد

مچ ڪچهري ۾ ايس ايس پي عبدالخالق پيرزادو، ڊي سي زاهد حسين رند، شاعرن، اديبن، سياسي سماجي ڌرين ۽ شهرين جي شرڪت

سجاول (گلشيرميربحر) سجاول ۾ سورج سجاولي پريس ڪلب جي سٿ پاران مچ ڪچهري، راڳ جي محفل، سجاول شهر جي پبلڪ پارڪ تي ثقافتي ڏهاڙي جي حوالي سان مچ ڪچهري ٿي گذري جنهن ۾ ايس ايس پي سجاول عبدالخالق پيرزادو، ڊپٽي ڪمشنرسجاول زاهد حسين رند سميت شاعرن، اديبن سياسي سماجي اڳواڻن صحافين ۽ شهرين وڏي انگ ۾ شرڪت ڪئي، مچ ڪچهري کي ثقافتي رنگن سان سينگاريو ويو آيل مهمانن کي اجرن ۽ لنگين جا تحفا ڏناويا ان موقعي تي مچ ڪچهري ۾ ايس ايس پي سجاول عبدالخالق پيرزادو، ڊپٽي ڪمشنر سجاول زاهدحسين رند، شاعرايازامرشيخ، وڪيل لياقت جماري، دائود امر ميمڻ، بشيرسرويچ، سورج سجاولي پريس جو صدر اسماعيل سرويچ، سيف الله جوڻيجو، ساگرسليم کوسو،گلشير ميربحر. فقيراسماعيل. نجيب سرويچ، منظور ميمڻ، شبيرسمون، عبدالغفار ٻارڻ، هندو پنچائت جو صدر ڊاڪٽر هوت چند ۽ ٻين چيو ته سنڌ ۾ انتها پسندي جي ڪابه گنجائش نه آهي سنڌ امن جي ڌرتي آهي سنڌ صوفين جي ڌرتي آهي جنهن پيار ۽ امن جو پيغام ڏنو، هنن چيو ته اسان کي پنهنجي ثقافت تي ناز آهي اسان سنڌي پنهنجي روايتين جا امين رهيا آهيون ۽ دنيا کي ٻڌائينداسون ته سنڌي قوم عظيم تهذيب رکندڙ عظيم قوم آهي ۽ هڪ آهي. محفل موسيقي ۾ سنڌ جا نالي وارن صوفي فنڪارن رفيق فقير، اسلم فقير، نورحسن ناز، خداڏنو، فائزه ماروي، ذوالفقار راهي، آرين ڪمار، مصرور احمد، سڄڻ سرائي، حيدرجتوئي ۽ ٻين قومي گيت ڳائي محفل کي جهومائي ڇڏيو. ان موقعي تي صحافي ملڪ صديق ملاح، علي نواز ڀرڳڙي، امتياز ميمڻ، احسان کتري. جاني جوڳي، صديق آرائين، مصطفيٰ ميمڻ، ڊاڪٽر غلام نبي ميمڻ، ماڌوداس.جن پڻ مچ ڪچهري ۾ شرڪت ڪئي