قائداعظم نيشنل ويٽ لفٽنگ چيمپئن شپ 2024 لاھور ۽ بين الصوبائي گيمز اسلام آباد ۾ منعقد ٿيندي

سنڌ جي ويٽ لفٽنگ ٽيم صوبائي ڪوچ ۽ ٽيڪنيڪل آفيسر استاد عبدالوهاب ڪاغذي جي قيادت ۾ مقابلي ۾ شرڪت لاءِ تيار

شڪارپور (احسان ابڙو) قائداعظم نيشنل ويٽ لفٽنگ چيمپئن شپ 2024 لاھور ۽ بين الصوبائي گيمز اسلام آباد ۾ منعقد ٿي رھيا آھن پاڪستان اسپورٽس بورڊ جي تعاون سان قائداعظم نيشنل ويٽ لفٽنگ چيمپئن شپ 2024 جا مقابلا 6 ڊسمبر 2024 کان 9 ڊسمبر 2024 تائين لاهور ۾ منعقد ٿي رهيا آهن. ان کان پوءِ، بين الصوبائي گيمز 11 ڊسمبر 2024 کان 16 ڊسمبر 2024 تائين اسلام آباد ۾ منعقد ڪيا ويندا. ھن موقعي تي سنڌ جي ويٽ لفٽنگ ٽيم صوبائي ڪوچ ۽ ٽيڪنيڪل آفيسر استاد عبدالوهاب ڪاغذي جي قيادت ۾ مقابلي ۾ شرڪت لاءِ تيار آهي. ٽيم ۾ شڪارپور ۽ لاڙڪاڻي جا نوجوان ويٽ لفٽر رانديگر شامل آهن، جن ۾ شڪارپور مان فيصل علي ڀٽو ،اسرار علي سومرو ، شير علي هڪڙو ، زين علي مبين هڪڙو، شاھجھان ڀٽو ، سائل حسنين ڀٽو ، لاڙڪاڻي مان. سهيل احمد بروهي جي ٽيم لاهور ڏانهن رواني ٿي چڪي آهي، جتي اهي سنڌ ۽ خاص طور شڪارپور ۽ لاڙڪاڻي جي نمائندگي ڪندا. ٽيم جي لاءِ شڪارپور جي عوام، دوستن، ۽ شهر واسين کان دعا جي درخواست آهي ته اهي پنهنجن صلاحيتن ۽ محنت سان ڪاميابي ماڻين ۽ سنڌ صوبي، لاڙڪاڻي ڊويزن، ۽ شڪارپور ضلعي جو نالو روشن ڪن. اسان کي يقين آهي ته اهي نوجوان رانديگر پنهنجي عزم، محنت، ۽ ٽيم جي گڏيل ڪوششن سان ڪامياب ٿيندا ۽ ملڪ جي سطح تي پنهنجي قابليت جو مظاهرو ڪندا.