جيڪب آباد ويجهو ڌاڙيل ٻن پوليس اهلڪارن کي اغوا ڪري ويا

219 views | 30th Apr 2023 • سنڌي خبرون

ڌاڙيلن ٻنهي اهلڪارن تي تشدد جي وڊيو به وائرل ڪري ڇڏي

جيڪب آباد: جيڪب آباد جي مولاداد ٿاڻي جي حد مان 2 پوليس اهلڪار اغوا ٿي ويا، جاگير واري علائقي ۾ آپريشن دوران ڌاڙيل مٺو شاهه گينگ پاران پوليس اهلڪارن شمس الدين کوسو ۽ نور نبي ڀٽي کي اغوا ڪيو ويو، جنهن بعد ڌاڙيلن اهلڪارن تي تشدد واري وڊيو پڻ وائرل ڪري ڇڏي آهي، ڌاڙيل مٺو شاهه جو چوڻ آهي ته بلوچستان واسي نوجوان فرقان کي اسان اغوا ناهي ڪيو تنهن هوندي پوليس اسان جون عورتون کنڀي کڻي وئي آهي، ٻي طرف ايس ايس پي وڊيو وائرل ٿيڻ کانپوءِ ٻنهي اهلڪارن جي اغوا جو تصدیق ڪري ڇڏي آهي.