جانورن جي پالنا کاتي پاران ڪوھستاني پٽي ۾ چوپائي مال لاءِ مختلف ڳوٺن ۾ ٽيمون روانيون

چوپائي مال جو علاج، ويڪسين توڙي حفاطتي ٽڪا ھڻڻ وارو عمل تيزي سان جاري آھي: ڊاڪٽر فياض وڳڻ

ٺٽو(ڊر) جانورن جي پالنا کاتي ٺٽي پاران ڪوھستاني پٽي ۾ چوپائي مال ۾ وچرندڙ بيمارين جو نوٽيس وٺندي پنھنجون ٽيمون مختلف ڳوٺن ۾ روانيون ڪري ڇڏيون، جيڪي چوپائي مال جو علاج ڪري انھن کي ويڪسين ڪرڻ سميت مختلف بيمارين کان بچاء جا ٽڪا مفت لڳائڻ وارو عمل تيزي سان جاري ڪري ڇڏيو آھي، ان سلسلي ۾ جانورن جي پالنا کاتي ٺٽي جي ڊپٽي ڊائريڪٽر ڊاڪٽر فياض وڳڻ صحافين سان ڳالھائيندي چيو آھي تہ جانورن جي پالنا کاتي ٺٽي طرفان چوپائي مال جو علاج، ويڪسين توڙي حفاطتي ٽڪا ھڻڻ وارو عمل تيزي سان جاري آھي، ڊاڪٽر فياض وڳڻ چيو تہ ڪوھستاني پٽي ۾ چوپائي مال ۾ ڦھلجندڙ بيماري جي اطلاع تي بہ متاثر ڳوٺن ۾ جانورن جي علاج لاء ڊاڪٽرن جو ٽيمون موڪليون ويون آھن، جيڪي پنھنجو ڪم ذميواري سان ڪن پيون، ھن چيو تہ ڪوھستاني پٽي ۾ جھمپير اسپتال سميت ڳوٺ صديق شورو ۽ جھرڪ اسپتال ۾ سينٽر قائم ٿيل آھن، جتي پڻ عملو پنھنجو بھتر ڪم ڪري رھيو اھي، ڊاڪٽر فياض وڳڻ چيو تہ مالوند ماڻھون اڳواٽ چوپائي مال کي ويڪسين ۽ مختلف بيمارين کان بچاء جا ٽڪا نٿا لڳرائين، جڏھن چوپايو مال بيمار ٿئي ٿو تہ پوء ھو جانورن جو علاج ٿا ڪرائين، ان ڪري ڀاڳئين کي گھرجي تہ ھو اسانجي ٽيمن سان لھ وچڙ م اچي بيمارين کان اڳواٽ ويڪسين ۽ حفاطتي ٽڪا لڳرائي ڇڏين، جيئن سندن چوپايو مال بيمارين کان محفوظ رھي سگھي، ڊاڪٽر فياض وڳڻ چيو تہ ڏکيائي واري حالت ۾ مالوند ماڻھون ساڻس بہ ھن نمبر 03212518105 تي راہطو ڪري سگھن ٿا، جيئن ڀاڳئين کي پريشاني کان بچائي سندن مشڪلاتون ختم ڪري سگھن.