ملير: قومي شاهراهه تي ٽريفڪ پوليس پاران روڪڻ تان ٽينڪر ڊرائيور ٽينڪر تي چڙهي ويو

غلط موڙ ڪٽڻ تان روڪڻ تي ڊرائيور ٽينڪر تي چڙهي ڪپڙن کان آجو ٿي احتجاج ڪيو، اهلڪارن کي گارگند ۽ ڌمڪيون

ملير (رپورٽ: عبدالرشيد مورجھريو) قومي شاهراھ تي ٽريفڪ پوليس طرفان ٽينڪر کي غلط موڙ ڪٽڻ تي روڪي ورتو ، ڊرائيور ڪاوڙجي گاڏي مٿان چڙهي احتجاج ڪندي ڪپڙن کان آجو ٿي ويو ، پوليس جي ويجهو اچڻ تي باھ جي ڌمڪي ۽ گار گند، پوليس گاڏي تان لاهي ٿاڻي منتقل ڪيو، پوليس اهلڪارن مونکي روڪيو آهي منهنجي موبائيل کسي ورتي آهي پاڻ کي باھ ڏيندس ڊرائيور، تفصيل موجب اسٽيل ٽائون قومي شاهراھ تي ٽريفڪ پوليس ٽينڪر کي روڪڻ جي ڪوشش ڪئي ته ڊرائيور ڪاوڙجي پيو ۽ گاڏي مٿان چڙهي ڪپڙن کان آجو ٿي احتجاج ڪيو اطلاع تي پوليس پهچي ڊرائيور کي گاڏي تان لهڻ لاءِ چيو ته هن پاڻ کي باھ ڏيڻ جي ڌمڪي ڏيندي ۽ اهلڪارن کي گار گند شروع ڪئي جنهن بعد پوليس کيس گاڏي تان لاهي تشدد بعد گرفتار ڪري ٿاڻي منتقل ڪيو، ان سلسلي ۾ ڊرائيور ٻڌايو ٽريفڪ اهلڪارن مونکي روڪي زوري يو ٽرن ڪرڻ لاءِ چيو ۽ منهنجي موبائيل کسي ورتي جنهن سبب احتجاج ڪيو