نئون ديرو: مبينا پوليس مقابلو، 2واپارين جي قتل ۾ ملوث جوابدار مارجي ويو

نئون ديرو(رپورٽر) لاڙڪاڻو پوليس ڪنگا ٿاڻي جي حد ميرو خان روڊ تي ٿرڙي لاڙي ڀرسان گشت ڪندڙ پوليس سان ڏوهارين جو مبينا مقابلو، ڏوهارين ۽ پوليس هڪ ٻئي مٿان فائرنگ ڪري شروع ڪري ڏني. پوليس جي جوابي فائرنگ ۾ هڪ ڏوهاري مارجي ويو. مارجي ويل ڏوهاري جي سڃاڻپ امداد عرف امدو لغاري طور ٿي وئي. مارجي ويل ڏوهاري وٽان ڪلاشنڪوف هٿ ڪئي وئي. ايس ايس پي لاڙڪاڻو طرفان جاري ڪيل پڌرائي ۾ ڄاڻايو آهي ته پوليس مقابلي ۾ مارجي ويل ڏوهاري ڪراچي، لاڙڪاڻو سميت مختلف شهرن ۾ ٿيندڙ ڏوهي وارڌاتن ملوث هو. مارجي ويل ڏوهاري جو تعلق جلباڻي ۽ لغاري گينگ سان هو. مارجي ويل ڏوهاري نئون ديرو ۾ قتل ڪيل واپاري سنتوش جي قتل سميت لاڙڪاڻي ۾ قتل ڪيل هندو واپاري سنجي ڪمار ۽ هندو واپاري رونق کي زخمي ڪرڻ وارن ڏوهاري وارڌاتن جو ماسٽر مائينڊ هو. مارجي ويل ڏوهاري جا وائيس ميسج پڻ هٿ ڪرڻ جي دعوا ڪئي وئي آهي. مارجي ويل ڏوهاري ڪوريئر سرورس لاڙڪاڻي واري وارڌات سميت ڪيترن ئي ٻين ڏوهن ۾ سهولتڪاري جو ڪردار ادا ڪندو هو. لاڙڪاڻي شهر اندر ٻن ورهين ۾ ٿيندڙ رقم ڦر ڪرڻ وارن ڏوهاري وارڌاتن ۾ ملوث هو. مارجي ويل ڏوهاري ڪيترو وقت اڳ سرجاني ٽائون ڪراچي مان ڪار ڦر ڪيل ڪار سميت ڏوڪري ٿاڻي جي پوليس سان مقابلي ۾ زخمي ۾ گرفتار ٿي جيل وڃي چڪو آهي.