پاڪ نيوي طرفان شاهبندر ۾ مفت ميڊيڪل ڪيئمپ لڳائي وئي

ڪيمپ ساحل ويلفيئر ايسوسيئيشن ۽ شاهد آفريدي فائونڊيشن جي تعاون سان لڳائي وئي

سجاول (رپورٽر) پاڪ نيوي طرفان شاهبندر ۾ هڪ روزه مفت ميڊيڪل ڪيئمپ لڳائي ويئي، پاڪ نيوي جي مرد ۽ ليڊي ڊاڪٽرن پاران 450 کان وڌيڪ مريضن جو علاج ڪري مفت دوائون ڏنيون ويون.پاڪستان نيوي طرفان ساحل ويلفيئر ايسوسيئيشن ۽ شاهد آفريدي فائونڊيشن جي تعاون سان جونگو جلباڻي ۾ هڪ روزه مفت ميڊيڪل ڪيئمپ لڳائي ويئي، جنهن ۾ پاڪ نيوي جي مرد ۽ ليڊي ڊاڪٽرن پاران ڪيترن ئي مرد، عورتن ۽ ٻارڙن جو مختلف بيمارين جو مفت علاج ڪري کين مفت ميڊيسن ڏني ويئي. ان موقعي تي پاڪستان نيوي جي ليفٽينٽ عُزير ميڊيا سان ڳالهائيندي چيو ته پاڪ نيوي جي وڌ کان وڌ ڪوشش رهي آهي ته هر پنهنجي ملڪ جي عوام جي خدمت ۾ مصروف هجي، خصوصن ٻوڏ، طوفان واري هنگامي حالتن ۾ پنهنجي ملڪ جي عوام جي وڌ کان وڌ خدمت ڪندي رهي آهي، اڄ سجاول جي ساحيلي پٽي شاهبندر ۾ ميڊيڪل ڪيئمپ لڳائي، بخار ،کنگھ ، چمڙي ، ڊائريا ، معدي ۽ ٻين بيمارين ۾ ورتل 450 کان وڌيڪ مريضن جو مفت علاج ڪري کين مفت دوائون ڏنيون ويون. ان موقعي تي ميڊيڪل ڪيئمپ جي سيڪيورٽي جي انتظامن جي حوالي سان ڊي ايس پي جاتي ولي محمد چانگ ، ايس ايڇ او جونگو جلباڻي علي احمد جانوري، نيوي پوليس، سنڌ پوليس جي وڏي تعداد ۾ پوليس نفري پُڻ موجود هئي.