سجاول ۾ سجاول ۾ آگاهي سيمينار ۽ ميڊيڪل اسڪريننگ ڪيمپ لڳائي وئي

سجاول(رپورٽر)گھٽڪو. مين پڙي .۽ ٻي منشيات جي خاتمي لاء ضلع جي پوليس متحرڪ. شايان هال سجاول ۾ آگاهي سيمينار ۽ ميڊيڪل اسڪريننگ ڪيمپ جو انعقاد. ضلع پوليس پاران گھٽڪو. مين پڙين جھڙن مضر صحت شين جي خلاف شايان ھال سجاول ۾ مڪمل آگاهي سيمينار منقعد ڪيو ويو. جنھن ۾ معروف انڪالوجسٽ ۽ ڊينٽل اسپيشلسٽ ڊاڪٽرن شرڪت ڪئي. جن گلي ۽ وات جي ڪينسر سميت ٻين بيمارين جي خطرن جي ڄاڻ ڏني. سيمينار ۾ ماھرن گلي. وات ۽ ڏندن جي بيمارين جا سبب ۽ احتياطي تدبيرن تي تفصيلي روشني وڌي. ان موقعي تي ايس ايس پي آفيس سجاول ۾ پوليس اهلڪارن لاء گلي جي ڪينسر جي بروقت سڃاڻپ لاء هڪ ڏينھن جي مفت ميڊيڪل ڪيئمپ لڳائي ويئي جتي جديد طبي سهولتن ذريعي اسڪريننگ ڪئي وئي. ميڊيا سان ڳالھائيندي ايس ايس پي سجاول ميڊم علينہ راجپر چيو ته ان مھم جي شروعات محڪمه پوليس کان ڪيو ويو آهي ته جيئن پوليس اهلڪارن کي ان ناسور کان محفوظ رکيو وڃي. ان کان پوء ان ميڊيڪل ڪيمپ عوام تائين وسيع ڪيو ويندو. ايس ايس پي سجاول وڌيڪ چيو ته گھٽڪو. مين پڙي۽ ٻي منشيات استعمال ڪرڻ وارن اهلڪارن خلاف سخت ڪارروائي عمل ۾ آندي ويندي