ملير: رزاق آباد ۾ قومي عوامي تحريڪ پاران سنڌ دشمن منصوبن خلاف ريلي

جنسار هيسباڻي ۽ ٻين جي اڳواڻي ۾ رزاق آباد ٽريننگ سينٽر کان پريس ڪلب تائين احتجاجن ريلي ڪڍي وئي

ملير(رپورٽ: عبدالرشيد مورجھريو) قومي عوامي تحريڪ جي سڏ تي رزاق آباد ٽريننگ سينٽر کان پاڻي تي ڌاڙي، ڪارپوريٽ فارمنگ، ڏوهن جي خاتمي ۽ ميرٽ جي بحالي لاءِ وڏي احتجاجي ريلي ڪڍي ويئي. ريلي جي اڳواڻي قومي عوامي تحريڪ ملير جي صدر جنسار هيسباڻي، هري رام سنڌي، فرحان لاڙڪ، فياض اتيرو، سڪندر، ذولفقار سينگار ۽ ٻين ڪئي احتجاج ۾ ڪارڪنن سان گڏ علائقي واسين وڏي تعداد ۾ شرڪت ڪئي. شرڪت ڪندڙ قومي شاهراهه ۽ رزاق آباد جي مختلف رستن تان گذرندي بينر ۽ هينڊ بل کڻي سخت نعريبازي ڪندا عوامي پريس ڪلب ملير پهتا، جتي ڌرڻو هنيو ويو ان موقعي تي اڳواڻن خطاب ڪندي چيو ته سنڌو درياءُ، زميني وسيلن ۽ معدنيات سان مالامال آهي، پر ڌارين جي يلغار، وسيلن جي بي رحماڻي ڦرلٽ، ميرٽ جي لتاڙ ۽ درياءَ تي ڌاڙو جاري آهي. هنن وڌيڪ چيو ته ريلي جو مقصد ڪئنال منصوبي، زمينن تي والار، بدامني، بنيادي سهولتن جي کوٽ ۽ گئس، پاڻي، بجلي ۽ سيوريج جي خراب نظام خلاف آواز اٿارڻ آهي اڳواڻن حڪمرانن کي خبردار ڪيو ته هو هوش کان ڪم وٺن، ٻي صورت ۾. ھو عوامي رد عمل کان بچي نه سگھندا